Drejtori i Koordinimit të Sistemeve pranë këtij Komisioni zoti Vang Fei i njohu gazetarët kinezë dhe të huaj me planin e përgjithshëm 15-vjeçar të qytetit të Pekinit. Ai tha se objektivi themelor i këtij plani është që nëpërmjet rregullimit të strukturës së qytetit dhe ndryshimit të formës së rritjes, kontrollit të përpjesëtimeve të zhvillimit të qytetit dhe ngritjes së cilësisë së zhvillimit, do të nxitet zhvillimi i shëndetshëm i qytetit dhe do të realizohet zhvillimi i ekuilibruar dhe i koordinuar i ekonomisë, shoqërisë dhe i mjedisit ekologjik të qytetit të Pekinit.

Zoti Vang Fei tha se një përparim të madh në këtë plan të ri të Pekinit përbën rregullimi i rëndësishëm i hapësirës së Pekinit në bazë të kërkesës së zhvillimit të përgjithshëm të qytetit e fshatit dhe të zhvillimit të përgjithshëm rajonal. Ai tha:

" Në drejtim të planifikimit të strukturës së hapësirës hapësira e qytetit paraqitet me shumë qendra, duke e ndryshuar kështu strukturën e mëparshme të zhvillimit vetëm me një qendër në qytet, duke forcuar kështu funksionin thelbësor dhe aftësinë konkurruese të qytetit. Kështu pakësohen presionet e mëdha të shkaktuara nga përqëndrimi tepër i madh i funksioneve të qendrës, nxiten planifikimi i qytetit e fshatit dhe zhvillimi rajonal i koordinuar dhe realizohet zhvillimi i përqëndruar i qytetit."

Vang Fei tha se në këtë plan të ri është trashëguar dhe zhvilluar struktura tradicionale me aksin qendror të qytetit të Pekinit, përmirësohet ndërtimi i bulevardit Çangan dhe i linjave të tij të zgjatura, garantohen dhe zhvillohen funksionet e Pekinit si kryeqytet i Kinës dhe qendër e kulturës; njëkohësisht ndërtohen disa zona të reja qendrore, duke përfshirë zonën thelbësore e plantacioneve të teknologjisë së lartë e të re Zhongguangchun, zonën qendrore Olimpike, zonën qendrore të biznesit etj.,etj.

Në këtë plan të ri të Pekinit theksohet gjithashtu se qyteti i Pekinit do të zhvillojë më tej ekonominë e kryeqytetit me degët shërbimore moderne, degët e teknologjisë së lartë e të re dhe me degët e prodhimeve moderne si qendër, do të forcojë pandërprerë aftësinë nxitëse e rrezatuese të qytetit dhe do të ngrejë shkallën e ndërkombëtarizimit dhe ndikimein ndërkombëtar të qytetit të Pekinit. Përveç këtyre, ky plan i përmbahet edhe politikës së mbrojtjes aktive të këtij qyteti të lashtë historik e kulturor. Krahas mbrojtjes me përpjekje të pamjes së përgjithshme të qytetit antik dhe trashëgimive të vërteta, do të kërkohen edhe modelet e ndërtimit të infrastrukturës në përputhje me zhvillimin e qytetit antik dhe do të përmirësohen kushtet e prodhimit e jetesës së banorëve të zonave antike të qytetit.

Pasi u shpall, në fund të vitit të kaluar, para banorëve të Pekinit, ky plan i ri ka tërhequr dhjetra mijë vizitorë dhe shumë prej tyre paraqitën edhe propozimet e mendimet e veta.

Zoti Li që banon afër Pallatit Dimëror Perandorak në qendër të Pekinit, tregoi vëmendjen e tij të veçantë për mbrojtjen e pamjes së këtij kryeqyteti të lashtë. Ai u tha gazetarëve:

"Qyteti i Pekinit është një kryeqytet i lashtë i njohur në botë. Ky plan i ri i kushton rëndësi të madhe mbrojtjes së pamjes së tij. Sado të ndryshojë Pekini, traditat dhe shijet e Pekinit të vjetër do të trashëgohen. Pra nga ky plan, jam shumë i qetë nga ndryshimet që do të pësojë qyteti im."

Të dashur lexues, lexuat shënimin me titull: "Qyteti i Pekinit ka paraqitur objektivin e tij të zhvillimit perspektiv 15-vjeçar ."(Daming )