Tërheqja e litarit ka qenë një nga garat e lojërave olimpike. Por pas Lojërave të 7-ta Olimpike në Anvers të Belgjikës, komiteti olimpik ndërkombëtar duke pasur parasysh se në tërheqjen e litarit mungonin kushtet bazë të garës sportive, prandaj e anuloi këtë garë.

Tërheqja e litarit u fut në garë sportive për herën e parë në Lojërat e 2-ta Olimpike të Parisit. Atë kohë kjo garë ishte vetëm një program argetues për ekspozitën e Parisit. Përfshirja e tërheqjes së litarit në garat atletike në lojërat olimpike nuk është e përshtatshme. Për shkak të rregullave të saja të papërsosura, në garë kishte shumë probleme dhe konflikte. Më në fund komiteti olimpik ndërkombëtar u detyrua ta anulonte garën e tërheqjes së litarit.

E dini në cilat lojëra olimpike filloi të ketë pistë 400 metra?

Qysh nga Lojërat e 7-ta Olimpike në Anvers të Belgjikës më 1920, pista e vrapimit 400 metra u përdor zyrtarisht në garat atletike.

Në Lojërat e para Olimpike moderne, fusha e garave atletike ishte në formën U. Por nga Lojërat e para Olimpike deri në Lojërat e 6-ta Olimpike moderne, nuk kishte një standard unik për fushën e garave atletike. Për të standartizuar dhe rregulluar atletikën, në Lojërat e 7-ta Olimpike u përdor për herën e parë pista e vrapimit me një perimetër prej 400 metrash, që përdoret edhe sot. Atëkohë u ngritën 8 rekorde olimpike në këtë pistë vrapimi.

E dini si lindën lojërat olimpike për femra?

Ne e dimë se femrat nuk u lejuan të merrnin pjesë në lojërat olimpike të Greqisë së lashtë. Por e dini se në Greqinë e lashtë kanë ekzistuar lojërat olimpike për femra?

Lojërat olimpike për femra edhe quheshin "lojërat e Heras". Hera ishte gruaja e mbretit të shenjtorëve të Greqisë së lashtë, Zeus. Sipas gojëdhënave, në shekullin e 6-të para erës sonë, "lojërat e Heras" u krijuan nga Hippodameia, gruaja e krijuesit të lojërave olimpike të lashta, Pelopsit. Hippodameia, për të shprehur falënderime Heras dhe për lumturinë e vetë bashkëshortore, zgjodhi 16 femra nga 16 qytete për pjesëmarrje në garat e para për femra, të cilat u quajtën "lojërat e Heras". Pas kësaj, si lojërat olimpike, edhe "lojërat e Heras" organizoheshin një herë në çdo 4 vjet në Olimpia të shenjtë nga fundi i qershorit deri në fillim të korrikut. Pjesëmarrëset ishin të ndara në 3 grupe sipas moshave të tyre. Gara e vrapimit për femra ishte lloj kryesor i "lojërave të Heras", distanca e vrapimit ishte më e shkurtë se ajo e vrapimit për meshkuj. distanca e vrapimit për femra në moshë më të vogla ishte vetëm afro 32 metra. Fitueseve të "lojërave të Heras" u jepej një kurorë e shenjtë me degë ulliri të shenjtë dhe një copë mish viçi. Përveç kësaj, portreti i fitueseve mund të vendosej në Olimpia. Sipas të dhënave historike, "lojërat e Heras" vazhduan derisa në vitin 146 para erës sonë, kur Perandoria Romake invadoi Greqinë, duke formuar një histori mbi 450 vjeçare.(Shyguan)