Të dashur lexues, po fillojmë rubrikën "Trgime dhe legjenda kineze". Po ju rrëfejmë tregimin historik me titull "Vajtimi i nuses Meng Gjang rrëzë Murit të Madh".

Gjatë periudhës së Shteteve Ndërluftuese në historinë kineze, në veri të shteteve Çin, Yan dhe Zhao jetonin hunët, banorë të një pakice kombëtare, që kullosnin kuaj, lopë, dhen, gomarë, devé dhe kafshë të tjera dhe që bënin një jetë nomade. Duke përfituar nga rasti i luftës që bëri shteti Çin për të zhdukur 6 shtetet e tjera, hunët ndërmorën ekspansion drejt jugut. Pasi themeloi dinastinë Çin me pushtet të centralizuar qendror në vitin 221 para erës së re, perandori Çin Shi Huang dërgoi forca ushtarake për të goditur hunët, duke rimarrë territorin e gjerë, dhe vendosi që të lidheshin bashkë muret mbrojtëse të ndërtuara më parë nga ato tre shtete.

Perandori Çin Shi Huang shpalli një dekret për rekrutimin e rreth një milion punëtorëve nga fshatarët, që të hapnin shkëmbinj dhe të prodhonin tulla për të forcuar dhe për të lidhur bashkë muret e mëparshme dhe njëkohësisht për të ndërtuar mure të reja si vepra mbrojtëse. Më në fund, ata bënë Murin e Madh Kinez me një gjatësi prej mëse 5000 kilkometrash, që fillon në perëndim nga Lintao e Gansusë dhe mbaron në lindje në Liaodong. Puna e punëtorëve ishte aq e vështirë, saqë shumë prej tyre vdiqën nga lodhja e tepëruar.

Një fshatar me emrin Van Si-liang kishte vetëm një muaj që ishte i martuar, por edhe ai u rekretua në radhët e punëtorëve të ndërtimit të Murit të Madh. Nusja e tij Meng Gjang priste në shtëpi dhe shpresonte se ai mund të kthehej sa më parë. Por ajo priti disa vjet dhe nuk mori as letrën e tij. Ajo braktisi shtëpinë dhe shkoi për të parë burrin e saj në kantierin e ndërtimit të Murit të Madh, pa marrë parasysh largësinë.

Nusja Meng Gjang arriti rrëzë Murit të Madh, por nuk e gjeti burrin e saj. Ajo pyeti të tjerët dhe mori vesh se burri i saj kishte vdekur prej kohësh dhe ishte varrosur nën Murin e Madh bashkë me njerëzit e tjerë të vdekur nga lodhja. Nusja Meng Gjang u pikëllua shumë dhe filloi të vajtonte. Papritur, u rrëzua një pjesë e murit. Qysh nga ajo ditë, u ruajt gojëdhëna se nusja Meng Gjang rrëzoi Murin e Madh me vajtin e saj.

Muri i Madh është kristalizim i punës dhe mençurisë së kinezëve të kohëve të lashta dhe konsiderohet si një nga mrekullirat botërore, por është e vështirë të përfytyrohet se sa shtrenjtë paguan kinezët e atëhershëm për ndërtimin e tij.

Të dashur lexues, dhamë rubrikën "Tregime dhe legjenda kineze".

Fund