Para 3 vjetëve, për ta çuar gazin e pasur natyror të Kinës perëndimore në krahinat qendrore e lindore të Kinës, Kina ka investuar fonde shumë të mëdha në veprën e përcjelljes së energjetikës me një gjatësi prej 4000 kilometrash, vepër e përcjelljes së gazit natyror të perëndimit në lindje. Deri në fund të vitit të kaluar, linja e përgjithshme e kësaj vepre ka filluar zyrtarisht qarkullimin tregtar. Tani, gazi natyror i perëndimit të Kinës është përcjellë pandërprerë, nëpërmjet tubacionit, tek përdoruesit industrialë dhe familjarë të gazit natyror të krahinave qendrore e lindore të Kinës.

Krahinat qendrore e lindore të Kinës janë krahina me potencial relativisht të fortë të ekonomisë kineze dhe me rritje relativisht të shpejtë ekonomike, por janë të varfëra në burimet energjetike. Kurse, në Kinën perëndimore ka burime të pasura të gazit natyror. Për zbutjen e mungesave energjetike të Kinës qendrore e lindore dhe për zgjerimin e tregut të burimeve të perëndimit, në vitin 2002, Kina filloi ndërtimin e veprës së përcjelljes së gazit të perëndimit në lindje. Investimet e përgjithshme e kësaj vepre arritën në 140 miliardë juanë. Ajo është edhe një vepër e transmetimit të energjetikës me përmasat më të mëdha, me largësinë më të madhe dhe me investimet më të shumta.

Provinca Henan e Kinës qendrore është një nga provincat, që kanë fituar më herët dobi në këtë vepër. Në tetor të vitit 2003, ndërmarrjet dhe banorët e kësaj province filluan përdorimin e gazit natyror të transmetuar nga vepra e përcjelljes së gazit të perëndimit në lindje. Një zonjë, që quhet Chang Yan, i tha gazetarit se qysh nga fillimi i përdorimit të gazit natyror të perëndimit, problemi i mungesës së furnizimit me gaz u zgjidh në mënyrë të plotë.

Qyteti i Shangait, qyteti më i madh industrial dhe tregtar i Kinës, është tregu më i madh i veprës së përcjelljes së gazit të perëndimit në lindje. Sipas planifikimit, në fillim të vitit 2004, kjo vepër e përcjelljes së gazit filloi furnizimin me gaz për qytetin e Shangait. Nënkryetari i bashkisë së qytetit të Shangait, Zhou Yupeng i tha gazetarit se megjithëse ekonomia e Shangait është zhvilluar shumë shpejt, prapë ky qytet është një zonë e varfër në burime energjetike. Ky funksionar tha se gazi natyror i transmetuasr nga vepra e përcjelljes së gazit të perëndimit në lindje ka siguruar furnizimin për një jetë normale të banorëve të Shangait dhe ka luantur një rol të rëndësishëm për zhvillimin ekonomik të Shangait.

Nënkryetari i bashkisë së qytetit të Shangait, Zhou Yupeng i tha gazetarit se si rezutat i veprës së përsjelljes së gazit të perëndimit në lindje, numri i përdoruesve industrialë e familjarë të gazit natyror u shtua në 1 milionë e 300 mijë. Gazi natyror i perëndimit ka zbutur gjendjen serioze të furnizimit me energji eletrike të Shangait.

Kjo vepër e përcjelljes së gazit ka zgjidhur problemin e mungesave të energjisë së Kinës lindore. Njëkohësisht investimet e mëdha janë përdorur në kërkimin dhe shfrytëzimin e fushës të gazit. Duke folur për këtë, kryetari i Komitetit të zhvillimit ekonomik dhe të reformës të rajonit autonom të Singjian-Ujgurit, z. Liu Yanliang i tha gazetarit se vepra e përcjelljes së gazit të perëndimit në lindje e ka ndryshuar epërsinë e burimeve të Singjianit në epërsi ekonomike, duke nxitur zhvillimin e ekonomisë vendëse.

Vepra e përsjelljes së gazit të perëndimit në lindje ka dhënë ndihmesë të madhe për ndryshimin e epërsive të Singjianit në epërsi ekonomike. Burimeve e qymyrgurit të Singjianit zënë 40% të pasurisë së mbarë vendit, ato të naftës 30% të mbarë vendit dhe sasia e rezervës së gazit natyror zë 34% të mbarë vendit. Në të ardhmen, këto epërsi do të ndryshohen në epërsi industriale dhe ekonomike.

Spacialistët janë të mendimit se vepra e përcjelljes së gazit të perëndimit në lindje jo vetëm ka nxitur rritje ekonomike të krahinave lindore e perëndimore të Kinës, por edhe ka përmirësuar mjedisin ekologjik të krahinave qendrore e lindore të Kinës, duke realizuar zhvillimin e vazhdueshëm ekonomik.

Drejtori i Drejtorisë energjetike pranë Komitetit shtetëror të zhvillimit ekonomik dhe të reformës të Kinës, z. Xu i tha gazetarit se qarkullimi i biznesit tregtar të veprës së përcjelljes së gazit të perëndimit në lindje tregoi se industria e gazit natyror të Kinës ka hyrë në periudhën e zhvillimit të shpejtë.

(Sihai)