Me zhvillimin e shpejtë ekonomik dhe shoqëror të Kinës, vitet e fundit, sasia e shkarkimit të ujërave industriale e bujqësore dhe të ujërave të zeza është shtuar pandërprerë. Disa lumenj kryesorë të krahinave të ndryshme të Kinës janë ndotur keq. Përveç këtyre, edhe degë të disa lumenjve si dhe fshatrat të veçantë janë prekur nga ndotja e ujërave. Personalitete përkatëse vunë në dukje se ndotja ujore është bërë një nga problemet më të rëndësishme që duhet të zgjidhen në kohë.

Për të ndryshuar këtë gjendje serioze, vitin e kaluar, qeveria kineze hartoi një plan për pastrimin e ndotjes së lumenjve kryesorë. Sipas këtij plani, Kina do të pastrojë me forca të shumta ndotjen e tri lumenjve dhe tri liqeneve. Brenda 2 vjetëve të ardhshëm, Kina do të investojë 100 miliardë juanë për pastrimin e ndotjes së ujërave të këtyre lumenjve.

Tani, administratat e niveleve të ndryshme përreth rrjedhave të tri lumenjve dhe brenda zonave të tri liqeneve po shpejtojnë ndërtimin e objekteve të ndryshme të pastrimit të ndotjes së ujërave dhe kanë marrë masa të gjithanshme për pastrimin e ndotjes industriale dhe për ndërtimin e brezave mbrojtës të pyjeve. Zv/drejtori i Drejtorisë së Përgjithshme Shtetërore të Mbrojtjes së Mjedisit z. Pan Yue tha se pas pastrimit, cilësia e ujërave të lumejve dhe liqeneve të sipërpërmendur u rregullua në mënyrë të dukshme.

Në rrethanat e shtimit të popullsisë së këtyre rrjedhave, prirja e ndotjes së ujërave të lumenjve kryesorë është frenuar në përgjithësi. Deri në fund të vitit 2003, u kryen 472 objekte të pastrimit të ndotjes së ujërave, duke përfshirë 117 fabrika të trajtimit të ujërave të ndotura.

Siç bëhet e ditur, tani, 50% e degëve të rrjedhës së lumit Huihe janë ndotur keq. Burimet ujore të lumenjve Haihe dhe Liaohe për mbrojtjen e ekuilibrit ekologjik mungojnë shumë. Duke folur për këto probleme, zv/drejtori i përgjithshëm z. Pan tha se qeveria kineze do të shpejtojë pastrimin e ndotjes së ujërave. Brenda një viti, do të kryejmë planin e pastrimit të ndotjes së lumenjve kryesorë.

Detyrë kryesore në të ardhmen është përfundimi i punës së mbetur nga e kaluara.

Z. Pan tha se, gjatë 2 vjetëve të ardhshëm, qeveria kineze do të shpejtojë punën për pastrimin e ndotjes industriale. Siç mësohet, sektorët përkatës do të llogarisën ndotjen e shkaktuar nga mbi 5 mijë ndërmarrje rreth rrjedhave të këtyre lumenjve dhe liqeneve. Ndërmarrjet që nuk kanë arritur standardet e shkarkimit të ujërave të ndotura, do të detyrohen t'i bëjnë pastrimin brenda afatit. Njëkohësisht, ndërmarrjet me ndotje të rënda do të ndërpresin prodhimin.

Gjatë procesit të pastrimit të ndotjes së ujërave, qeveria kineze i kushton rëndësi shumë të madhe pastrimit shkencor dhe të arsyeshëm të ndotjes së ujërave. Sipas planit të pastrimit, Kina do të nxitë më tej riciklimin e ujërave të ndotur të qyteteve për të ruajtur burimet ujore.

Ju flet Radio e jashtme e Kinës. Të dashur dëgjues, dëgjuat shënimin me titull: "Kina do të marrë masa për pastrimin e lumenjve të ndotur". (sihai)