Ju po dëgjoni shfaqjen e artistes Gjang Venli në filmin televiziv"Shkurorëzim i tipit kinez". Në këtë film, ajo interpreton rolin e mësueses Li Xiao Feng, e cila ka humbur plotësisht veten e saj për hir të familjes. Ajo punoi me vetëmohim për të mirën e të shoqit dhe të të birit, por pikërisht në kohën kur i shoqi del gjithnjë e më faqebardhë, ajo humb punën e vet. Meqenëse ajo fillon të zbehej dhe tretoj në fytyrë, i shoqi filloi ta quante si "grua të paparaqitshme". Në këto rrethana, Lin Xiao Feng humbi ekuilibrin psikik dhe filloi të dyshonte për të shoqin, bile shkoi deri atje saqë u mundua ta vinte atë nën kontrollin e saj. Më në fund, ajo kuptoi gabimin e vet, por ishte shumë vonë, i shoqi u cenua tepër rëndë dhe nuk duroi më, prandaj nuk fali atë.

Për të interpretuar një personazh në film, aktorja Gjang Venli, që ka karakter të qetë dhe të butë, luajti rolin e Lin Xiao Fengut, një grua e tërbuar dhe me ndjenja të paekuilibruara që më në fund u bë një grua e ligë dhe vulgare. Për një kohë, ky personazh, që e portretizoi Gjang Venli, u bë temë e bisedave në shoqëri. Gjysma e spektatorëve shprehin keqardhje për këtë personazh, kurse gjysma tjetër e tyre ndienin neveri për të. Në fakt, shumica e aktoreve nuk duan të luajnë në ekran rolin e një personazhi të neveritshëm, gjë që mund të ndikojnë në shëmtimin e figurës së vet. Duke folur për interpretimin e saj në këtë film televiziv, Gjang Venli tha:

"Unë e kapa karakterin e këtij personazhi të filmit me ta lexuar skenarin dhe e interpretova atë si duhej, pa menduar se çfarë përshtypje mund t'u lë spektatorëve duke luajtur në rolin e këtij pesonazhi. Nganjëherë, filmi kërkon që një aktor të luajë rol me karakter të ndryshëm nga ai vetë. Në fakt, kjo është një gjë e vështirë."

Gjang Venli ka qejf të luajë role me karakter sfidues dhe veprat e krijuara nga ajo demonstrojnë plotësisht aftësinë e saj për shfaqje. Pak kohë më parë, për shfaqjen e saj të shkëlqyeshme në filmin"Ngjarje të kaluara në Tajvan"ajo fitoi çmimin e aktores më të mirë nga çmimet "Huabiao", çmime që qeveria kineze u jep aktorëve të filmit. Kjo është hera e dytë që ajo e fiton këtë çmim. Meqë ka fituar për shumë herë çmime të filmit, ajo konsiderohet si "një nga artistet më me potencial në Kinë".

Përballë arritjve të veta, Gjang Venli tha me buzëqeshje se në fëmijëri ajo dukej si një rosë e shëmtuar, pra as në ëndërr nuk i shkonte ndër mend se mund të bëhej artiste.

Gjang Venli lindi në familjen e një intelektuali në një qytezë të vogël, që është kryeqendër e një distrikti të provincës Anhui në Kinën Qendrore. Prindrit e saj e preferonin artin dhe kjo ndikoi tek ajo. Por, meqenëse ishte e dobët fizikisht, ajo nuk tërhiqte vëmendje. Edhe sikur të jepte shfaqje në ndonjë mbrëmje artistike në shkollë, ajo luante role të parëndësishme. Asokohe, ajo ëndërronte të bëhej mësuese. Por, pasi u diplomua nga Teknikumi i Hidraulikës, ajo filloi të punonte në ndërmarrjen e ujësjellësit. Pas një shansi rastësor, ajo u pranua me provime në Institutin e Kinematografisë të Pekinit dhe kjo gjë u bë kthesa e jetës së saj.

Në vitin 1992, Gjang Venli u diplomua nga Instituti i Kinematografisë i Pekinit dhe pas një viti luajti rolin e një prostitute në filmin artistik"Hegjemoni i tha lamtumirën Bukuroshes". Ajo nuk mori shumë poza në këtë film, por me interpretimin e mrekullueshëm ajo e portretizoi në mënyrë të shkëlqyeshme figurën e personazhit, gjë që mund të quhet si një shfaqje klasike. Edhe tani, disa fragmente të këtij filmi shërbejnë si lëndë mësimore për studentët e fakultutetit të interpretimit të Institutit të Kinematografisë të Pekinit. Gjang Venlit i pëlqente të interpretonte në filma artistikë dhe jo në filma televizivë. Por në vitin 1998, ajo interpretoi në filmin televiziv me shumë seri"Dorë për dorë".

Në filmin televiziv"Dorë për dorë" trajtohet dashuria plot kthesa e një çifti intelektualësh, të cilët u dashuruan në fillim dhe më vonë filluan të ndjeheshin të besdisur, deri sa u ndanë kur doli në skenë një "e tretë", por më në fund u martuan përsëri. Në këtë film, Gjang Venli interpretoi me sukses rolin e një bashkëshortje zemërmirë dhe me karakter të fortë. Në sajë të interpretimit të saj të shkëlqyeshëm në këtë film televiziv, Gjang Venliu bë e famshme.

Si rezultat, asaj iu dhanë më shumë shanse për interpretime të tjera. Por, meqenëse ajo është tepër kritike ndaj skenarëve, Gjang Venli la disa shanse pa shfrytëzuar. Për shembull, në filmin televiziv me shumë seri"Një familje e madhe", që është shumë i preferuar, ajo veproi në kundërshtim me vullnetin e regjisorit dhe në vend që të luante rolin kryesor, luajti me dëshirën e vet rolin e dorës së dytë, rolin e zonjushës Bai Yuting, e cila ishte një femër cinike dhe me karakter të çuditshëm.

Gjang Venli bën një jetë të thjeshtë. Ajo ka një familje të lumtur. Burri i saj është fotograf i famshëm në Kinë. Ata kanë një djalë 3 vjeçar. Gjatë ditëve të prarave , Gjang Venli shpesh herë e merr me vete djalin që ai të gëzojë sa më shumë dashurinë e nënës.

Ju flet radio e jashtme e Kinës. Të dashur dëgjues, dhamë korrespondencën me titull "Një artiste e preferuar nga spektatorët kinezë".(Zheng)