Në një konferencë shtypi të organizuar, më 20 janar, korrespondenti i Agjensisë Kineze të Lajmeve Hsinhua mësoi se nëpërmjet fushatave të ndryshme për mbrojtjen e mjedisit, qyteti i Tiengjinit do të ngrejë pandërprerë nivelin e zhvillimit të vazhdueshëm dhe do të bëhet një qytet ekologjik.

Që nga viti 2002, kur u parashtrua objektivi për ndërtimin e një qyteti shembullor në mbrojtjen e mjedisit, Tiengjini ka bërë një punë të madhe për përmirësimin e mjedisit të qytetit.

Nga njera anë, ai ka përmirësuar në mënyrë të gjithanshme strukturën industriale dhe strukturën ekonomike dhe ka bërë përpjekje për të zgjidhur problemin e mjedisit strukturor. Gjatë rregullimit të strukturës industriale,, duke filluar nga eleminimi i proceseve teknologjike të prodhimit me shpenzim të lartë të energjisë, prodhimit të ulët dhe me ndotje të madhe, është ngritur niveli i prodhimit industrial dhe bujqësor, si dhe niveli i shërbimeve.

Nga ana tjetër, Tienxhini ka shpejtuar ndërtimin e infrastrukturës së mjedisit të qytetit. Janë sistemuar shumë rrugë të vjetra, duke zbutur në mënyrë efikase gjendjen e trafikut intensiv të qytetit. Në vitin 2004 sipërfaqja e rrugëve të qytetit është shtuar 2,9 herë në krahasim me vitin 2003, si rezultat shpejtësia e qarkullimit të automjeteve është ngritur 25%. Janë vënë në shfrytëzim instalimet për trajtimin e ujërave të përdorur dhe të plehrave të konsumit të rëndësishëm të qytetit. Pas vitit 2002, janë shtuar 58 milionë metra katërore lulishte të reja dhe sipërfaqja e pyllëzuar e gjithë qytetit është ngritur në 35% nga 26% që ishte në vitin 2001. Tiengjini i kushton rëndësi edhe mbrojtjes ekologjike dhe janë ndërtuar 9 rajone të mbrojtjes natyrore.

Pas 3 vjet përpjekjesh kanë ndodhur ndryshime të mëdha në mjedisin e qytetit të Tiengjinit. Megjithë ato, në tre vjetët e ardhshëm Tiengjini do të investojë edhe 30 miliardë juanë të tjerë për zgjidhjen e mëtejshme të problemeve të ujit të ndotur dhe të gjelbërimit.

Drejtoria e Mbrojtjes se Mjedisit e Qytetit të Tiengjinit bëri të ditur se ndërtimi i qytetit shembullor në mbrojtjen e mjedisit është një aktivitet i organizuar nga viti 1997 nga Drejtoria Shtetërore e Mbrojtjes se Mjedisit. Në normat e vlerësimit përfshihen ekonomia , cilësia e mjedisit, ndërtimi dhe administrimi i mjedisit, si tregues kryesorë të zhvillimit të vazhdueshëm të qytetit. Tiengjini është i vetmi qytet i varur direkt nga qendra që ka marrë pjesë në këtë aktivitet për ndërtimin e qytetit shembullor në mbrojtjen e mjedisit. ( zhang )