Shoqëria e Sportit Kinez Balli është një nga shoqëritë më me influencë në tregun kinez të stërvitjes gjimnastikore dhe tani ajo disponon klube filialesh në 9 qytete kineze. Zv-presidenti i kësaj shoqërie, z. Wan Lihua është marrë me industrinë e stërvitjes gjimnastikore. Duke iu hedhur një vështrim industrisë sportive gjatë 20 vjetëve të fundit, ai tha: "Në vitet 80-të, kinezët, që vështronin klubin e stërvitjes gjimnastikore në mënyrë sipërfaqësore, mendonin se klube të tilla përbëheshin nga një dhomë plus disa aparate sportive dhe plus një a dy trajnerë. Por sot, ky koncept ka ndryshuar rrënjësisht." Ai tha:

"Po përjetojmë fenomenin e gëzueshëm që Kina filloi të importojë mekanizmin e funksionimit tregtar të klubeve të stërvitjes gjimnastikore të nivelit të lartë nga vendet amerikane dhe evropiane. Ne filluam të jemi të ndërgjegjeshëm që për klubet e stërvitjes gjimnastikore duhet funksionimi i hallkave dhe një përmbajtje me tenologji të lartë dhe duhet të mendojmë se si të ndihmojmë njerëzit të bëjnë stërvitje gjimnastikore në mënyrë shkencore me rezultat."

Megjithëse makanizmi i vendeve perëndimore është futur në Kinë vetëm para disa viteve, ai i ka sjellë ndikime të thella në industrinë kineze.

Në fillim të zhvillimit të industrisë së stërvitjes gjimnastikore të Kinës, një klub kishte vetëm një projekt të stërvitjes për qindra klientë, duke mos përfillur ndryshimet e trupit dhe të moshës të tyre. Me standartizimin e tregut të stërvitjes gjimnastikore, shërbimet e klubeve ndaj klientëve po bëhen gjithënjë e më të hollësishme. Duke filluar nga viti 2002, koncepti "trajner personal" u fut në qarqet e stërvitjes gjimnastikore. Trajneri indivitual harton për çdo klient një plan të posaçëm të stërvitjes dhe kjo modë e "një për një" ësthë shumë e mirëpritur.

Aktualisht, disa klube të fuqishme të stërvitjes gjimnastikore, si Balli, Impulse, Qingniao, etj., duke imituar metodat e vendeve të zhvilluara, përfshijnë në klube "dietistë sportivë", të cilët u japin këshilla klientëve në regjimin ushqimor, krahas stërvitjes sportive.

Edhe moda e mekanizmit të shpërndarjes së klubeve në filiale në filial të klube perëndimore është përhapur në Kinës gjatë vetëm disa vjetëve. Aktualisht 10 klube të stërvitjes gjimnastikore funksionojnë nëpërmjet filialeve. Kjo modë u jep njerëzve shërbime të standardizuara dhe ësthë shumë e mirepritur nga të rinjtë kinezë, veçanërisht nga të rinjtë biznesmenë.

Tani klubet e stërvitjes gjimnastikore nuk kanë ndryshim të madh në pajisje dhe aparate gjimnastikore, por ka ende distancë jo të vogël në drejtimin shkencor të regjimit ushqimor, kontrollin e mekanizmit trupor, në shërbime teknologjike, etj. Më e rëndësishmja është që në Kinë nuk është krijuar akoma sistemi i dhënies së licensës së trajnerëve të stërvitjes gjimnastikore, gjë që shkakton dallime të mëdha në nivelin professional të trajnerëve.

Edhe sektori administrativ sportiv i Kinës filloi t'i kushtojë rëndësi këtij problemi. Funksionarja përkatëse e Drejtorisë së Përgjithshme të Sportit të Kinës Liu Tun tha se sivjet do të zbatohet në mbarë Kinën sistemi i përcaktimit të mjeshtrisë profesionale të trajnerit të stërvitjes gjimnastikore. Ajo tha:

"Kjo është nevoja e tregut dhe është praktika e përgjithshme në botë."

Ajo beson se kjo masë do të ngrejë nivelin e përgjithshëm të industrisë së stërvitjes gjimnastikore dhe masat popullore kineze do të gëzojnë shërbime akoma më të mira. (Wang Lei)