Reformimi i ish-Bankës së Kinës dhe i ish-Bankës së Ndërtimit të Kinës ishte eksperimentim i zbatimit të reformës në bankat ekzistuese tregtare shtetërore. Duke u përfshirë këtu ish-Banka e Kinës dhe ish-Banka e Ndërtimit e Kinës, në Kinë numërohen katër banka tregtare shtetërore.

Për një kohë të gjatë sistemi i qarkullimit të bankave tregtare shtetërore të Kinës është bërë kryesisht me metoda administrative. Z. Yi Xian Zhong vuri në dukje se ky sistem ka sjellë aftësi relativisht të dobëta të bankave tregtare shtetërore për përshtatje me tregun dhe për përballimin e rreziqeve.

Ai tha:"Situata e tanishme e bankave tregtare shtetërore të Kinës, si nga përqindja e kredive jo të mira, apo nga aftësia e qarkullimit të bankave, ka disnivel relativisht të madh nga ajo e bankave ndërkombëtare. Megjithëse qeveria kineze gjatë pothuajse dy vjetëve të fundit, ka marrë shumë masa për frenimin e kredive jo të mira të bankave tregtare shtetërore, prapë ekzistojnë ende shumë probleme. Bankat tregtare shtetërore duhet të reformohen nga rrënjët dhe të shndërrohen në banka aksionare."

Mësohet se qysh nga fillimi i këtij viti kanë filluar një sërë reformimesh në ish-Bankën e Kinës dhe në ish-Bankën e Ndërtimit të Kinës.

Lidhur me masat efikase të reformave, doktori Yi Sian Zhong tha: "Shteti ka futur në banka fonde valutore për të sshmangur kapitalet jo të mira, njëkohësisht ai ka hequr edhe degët e tyre në rang distrikti, si dhe ka shkurtuar edhe punonjësit e degëve të tyre, ka zbatuar edhe reformën e sistemit aksionar, në mënyrë që në kohë të përshtatshme ata të shiten në tregun monetar ndërkombëtar. Këto reforma janë zhvilluar shpejt dhe kanë pasur dhe efektivitet të mirë."

Por doktori Yi Sian Zhong shprehu mendimin se refomat e sistemit të këtyre dy bankave tregtare shtetërore janë vetëm hapi i parë i sukseshëm. Qeveria kineze do të marrë masa të mëtejshme për të thelluar pandërprerë reformimin e bankave tregtare shtetërore, si për shembull formimi i mbledhjes plenare të rregullt të aksionerëve, i Këshillit të aksionerëve etj. Krahas këtyre duhet të zhvillohen në mënyrë intensive edhe reforma e organeve qeveritare dhe reforma e ndërmarrjeve shtetërore, që kanë lidhje të ngushta me reformat e bankave tregtare shtetërore.

Me pjekjen e kushteve, Kina do të zhvillojë edhe reformat e dy bankave të tjera tregtare shtetërore: Bankës Industrialo-Tregtare të Kinës dhe Bankës Bujqësore të Kinës. Në qoftë se këto katër banka tregtare shtetërore të Kinës do të arrijnë sukses, atëhere do të krijohen mjedisi dhe kushte më të mira për zhvillimin ekonomik kinez në të ardhmen. ( Daming )