Singjangu është një vend i mirë për prodhimin e fruteve, sidomos të rrushit. Këtu ka kushte shumë të mira klimaterike dhe gjeografike në përshtatje me rritjen e rrushit.

Para mbi 30 vjetëve, Li Rui Çin ka ardhur bashkërisht me burrin e saj në Singjiang nga provinca Shandong e Kinës. Në fillim, ajo ka bërë punë bujqësie, ka krijuar fabrikën e tullave dhe ka ushtruar tregtinë kufitare. Më vonë, ajo vuri re se cilësia e rrushit të Singjiangut është shumë e mirë. Por, këtu nuk kishte fabrikë të verës me cilësi të mirë. Atëhere, vendosi të ngrejë një fabrikë të verës së rrushit. Në fund të viteve 90 të shekullit të kaluar, krahas thellimit të vazhdueshëm të reformës dhe të hapjes, krahinat e ndryshme të Kinës kanë filluar të krijojnë një mjedis të mirë zhvillimi për krijimin e ndërmarrjeve private. Mendimet e saj fituan shumë shpejt përkrahjen e administratës lokale.

Për këtë, administrata e distriktit Yan Çi i ftoi posaçërisht specialistët e Institutit të Studimit të Fruteve të Akademisë Bujqësore të Singjiangut të diskutonin këtë objekt. Sektorët e ndryshëm treguan kujdes shumë të madh për këtë gjë. Përveç këtyre, administrata lokale i ka krijuar asaj disa kushte të favorshme në politikë. Në vitin 1998, Li Rui Çin e zgjodhi qytezën Çixingzhen të distriktit Yan Çi si bazë. Specialistët menduan se megjithëse atje është shkretëtirë, prapë, dheu i këtij vendi dhe burimet e pasura me ujë nëntokësore janë në përshtatje në mbjelljen e rrushit.

Qysh atëherë, e gjithë familja e saj ka ardhur në shkretëtirë për

kultivimin e rrushit. Në fillim kanë hasur shumë vështirësi. Duke i hedhur një vështrim gjendjes së krijimit të vreshtës, nusja e djalit Li Xiao Yn tha se e vjehrra është shtylla e gjithë familjes.

Ajo është një zonjë shumë e dalluar. Duhet të thuhet se në familjen tonë, ajo ka luajtur një rol shumë të rëndësishëm. Ajo është edhe shtylla dhe forca shtytëse e kësaj familjeje.

Gjatë 2 vjetëve të fillimit të krijimit të vreshtës, me ndihmën e banorëve të kombësive Ujgure dhe Hui, ajo bashkë me anëtarët e gjithë familjes mbollën 300 hektarë rrush. Para vjeljes së rrushit, ajo shkoi posaçërisht në Francë, për inspektimin e mjeshtërisë së prodhimit të verës. Sipas rekomandimit të ambasadorit të Kinës në Francë, disa francezë morën vesh se familja e Li Rui Çinit ka bazën e furnizimit me lëndë të para të cilësisë së mirë. Ata u shprehën për zhvillimin e bashkëpunimit me të në prodhimin e verës. Në maj të vitit 2002, u krijua Shoqëria kino-franceze me investime të përbashkëta. Li Rui Çin i vuri kësaj ndërmarrjeje emin "Vendlindja e rrushit dhe qyteti i verës".

Në shtator të këtij viti, nën drejtimin e specialistit francez, u prodhua verë rrushi e kontingjentit të parë. Pas kontrollit të Qendrës Kineze të Kontrollit të Cilësisë së Verës, vera e prodhuar nga ajo, është me të vërtetë vera e gjelbër ekologjike.

Li Rui Çin tha se si rezultat i kushteve vendore të veçanta ekologjike, ne nuk synojmë sasinë e prodhimit në rrush dhe nuk përdorim plehra kimike për kultivimin e tij. Në këtë mënyrë, ne kemi siguruar pastërsinë e rrushit. Gjatë prodhimit të verës, nuk shtohet asnjë lëndë tjetër.

Kur kjo verë hyri në treg, ajo u mirëprit menjëherë nga konsumatorët e Pekinit, të Shangait dhe të krahinave të tjera të Kinës. Pastaj, tregtarët e Francës, të Japonisë dhe të vendeve të tjera të botës kanë zhvilluar shumë herë bisedime me Li Rui Çinin për shitjen e kësaj vere.

Krahas zgjerimit të vazhdueshëm të vreshtës së saj, e gjithë familja e saj është shumë e zënë në prodhimin e verës. Ajo ka 2 djem dhe një vajzë. Djali i madh është ngarkuar me përgjegjësi në këtë ndërmarrje, ndërsa djali i vogël po kualifikohet në Francë. Vitin e kaluar, vajza e saj u largua nga puna e dikurshme që bënte në bankë dhe është punësuar në këtë ndërmarrje.

Ajo krenohet më shumë për burrin e saj. Është pikërisht ai që i ka dhënë asaj përkrahjen më të madhe. (Sihai)