4.organizimi me sukses i kalimit të stafetës së pishtarit olimpik të Athinës në Pekin Më 8 qershor, pishtari olimpik i Athinës arriti në Pekin. Dhe Pekini e demonstroi këtë pishtar në Murin e Madh Kinez. Kjo është hera e parë që pishtari olimpik arrin në Kinën kontinentale. Stafeta e pishtarit e 9 qershorit në Pekin, filloi nga sheshi Tienanmen dhe përfundoi në Pallatin e Verës. Dhe moshat e pjesëmarrësve në stafetë ndryshonin nga 14 deri në 73 vjeç. Gjatë procesit 9 orësh të stafetës, pjesëmarrësit i treguan botës, në mënyrë të mrekullueshme, një Pekin modern me një histori të gjatë kulturore. Mijëra njërëz në Pekin panë me sytë e tyre pishtarin olimpik dhe disa qindra miliona njërëz ndoqën nga televiziori proçesin e kalimit të stafetës.

5.Lindja e stemës së Lojërave Paralimpike të Pekinit dhe organizimi i Festivalit të 2-të Kulturor Olimpik të Pekinit Më 23 qershor, u hap Festivali i 2-të Kulturor Olimpik i Pekinit, i cili përbëhet nga disa pjesë kryesore, si ceremonia e hapjes dhe e mbylljes, shfaqjet artistike, forumi olimpik, ekspozita olimpike, dita e qytetarëve, etj. Më shumë se një milionë banorë morën pjesë në këtë festival. Më natën e 13 korrikut në Tribunën Shekullore Kineze, si një pjesë e rëndësishme e Festivalit Kulturor Olimpik të Pekinit, organizoi ceremoninë e publikimit të stemës së Lojërave Paralimpike të vitit 2008, në të cilën u bë publike stema e Lojërave Paralimpike të Pekinit të vitit 2008 "Qielli, dheu dhe njeriu". Në vitin 2008 Pekini do të organizojë edhe Lojërat e 13-të Paralimpike pas organizimit të Lojërave të 29-të Olimpike. Pekini do të bëjë përpjekje për të organizuar Lojërat Paralimpike dhe Olimpike me një nivel të lartë.

6.Përparimi i punës së mbledhjes së partnerëve për Lojërat Olimpike të Pekinit Më 10 qershor, Komiteti Organizativ Olimpik publikoi se shoqeria automobilistike "Volkswagen" do të jetë partneri i Pekinit në fushën automobilistike të Lojërave Olimpike. Kështu, Volkswageni u bë partneri i parë i Pekinit pas zbatimit të planit për zhvillimin e tregut të Lojërave Olimpike të Pekinit. Dhe deri në fund të vitit 2004, pas Volkswagenit, edhe Banka e Kinës, China Mobile, Aviacioni Internacional Kinez dhe Sinopek u bënë partnerët e Pekinit për Lojërat Olimpike. Në mars të vitit 2004, shoqeria e kompanive kineze "Lenovo" u bë partneri i Komitetit Ndërkombëtar Olimpik dhe gjithashtu shoqeria e parë kineze që i jep donatë Komitetit Ndërkombëtar Olimpik.

7.Zhvillimi i ndërtimit të infrastrukturës dhe realizimi i mëtejshëm i kursit "organizimi i Lojërave Olimpike pa shpërdorim të fondeve" Deri në fund të vitit 2004, ndërtimi i Stadiumit Kombëtar, qendrës së notit dhe të 5 stadiumeve të tjera ka filluar. Dhe në bazë të kursit "organizimi i Lojërave Olimpike pa shpërdorim të fondeve", bashkia e Pekinit ka bërë disa rregullime të shpenzimeve dhe ka përmirësuar disa projekte. Dhe do t'i vëri në zbatim këto projekte të reja pas konsultimeve të gjithanshme. Sipas planit, ndërtimi i stadiumeve do të përfundohej para fundit të vitit 2007. (JiangLei)