Të dashur lexues, po fillojmë rubrikën "Trgime dhe legjenda kineze". Po ju rrëfejmë tregimin historik me titull "Atentat i Gjing Kësë kundër mbretit të Çinit".

Në vitet e fundit të periudhës së Shteteve Ndërluftuese në historinë kineze, shteti Çin ndër 7 fuqitë e atëhershme ishte zhvilluar në një fuqi të pamposhtshme. Në vitin 230 para erës së re, Ying Zheng, mbret i shtetit Çin, dërgoi forca ushtarake, të cilat zhdukën shtetin Han me një të goditur dhe pas një viti ato sulmuan shtetin Zhao, si rezultat, mbreti i Zhaos u dorëzua pa asnjë kusht. Pastaj, forcat ushtarake të Çinit e drejtuan tehun direkt kundër shtetit Yan, sot Pekini dhe zonat përreth. Për të shpëtuar vendin e tij, princi trashëgimtar Dan i shtetit Yan dërgoi atentatorin Gjing Kë për të bërë atentat kundër jetës së mbretit të Çinit.

Pasi arriti në Sian-yang, kryeqytet i shtetit Çin, Gjing Kë u tha ministrave të Çinit se mbreti i Yanit kishte shumë frikë nga shteti Çin, nuk guxonte të rezistonte dhe ishte gati të dorëzohej, prandaj dërgoi atë për t'i dorëzuar mbretit të Çinit dy dhurata: njëra ishte koka e prerë e gjeneralit Fan Yuqi të shtetit Çin, i cili ishte arratisur në shtetin Yan; e dyta ishte një hartë e shtetit Yan. Mbreti i Çinit u gëzua shumë pasi dëgjoi këtë dhe e priti Gjing Kë në pallatin Sian-yang.

Kur mbreti i Çinit e shpalosi hartën, u duk një kamë dhe Gjing Kë e rrëmbeu kamën në dorë. Pa patur kohën për të nxjerrë shpatën, mbreti i Çinit u fsheh menjëherë prapa shtyllës së bronztë, por Gjing Kë e ndoqi. Mbreti i Çinit nxori shpatën dhe i preu Gjing Kësë një këmbë. Gjing Kë u rrëzua në dyshemé dhe e hodhi kamën për të goditur mbretin e Çinit, por nuk e goditi. Kama u ndesh në shtyllën e bronztë dhe ra në dyshemé. Rojtarët e Çinit hynë në sallë dhe vranë Gjing Kë.

I inatosur nga kjo ngjarje, mbreti i Çinit dërgoi trupa ushtarake për të sulmuar shtetin Yan, të cilat zunë menjëherë kryeqytetin Gjiçeng të shtetit Yan, sot Pekini. Mbreti i Yanit dhe princi trashëgimtar Dan u arratisën në Liaodong, por trupat ushtarake të Çinit ndoqën. Mbreti i Yanit dërgoi njeri që e vrau princin trashëgimtar Dan dhe ishte gati t'ia dorëzonte kokën e tij shtetit Çin, por trupat e Çinit prapë e ndoqën dhe e zunë rob mbretin e Yanit. Që nga ajo ditë, u zhduk shteti Yan.

Gjatë 5 vjetëve të pastajmë, shteti Çin zhduku edhe shtetet Çu dhe Vei, kurse shteti Çi në lindje u dorëzua pa bërë aspak rezistencë. Në vitin 221 para erës së re, Ying Zheng, mbreti i shtetit Çin shpalli formimin e dinastisë Çin, e cila ishte perandoria e parë feudale me pushtet të centralizuar qendror në historinë kineze dhe ai u shpall perandor, që ishte i pari monark kinez me titull "perandor"dhe që u quajt "perandori Çin Shi Huang".

Të dashur lexues, dhamë rubrikën "Tregime dhe legjenda kineze".

fund