Qysh nga fillimi i vitit 2005, provinca Qinghai filloi anulimin e plotë të taksave të bujqësisë dhe të blegtorisë. Siç mësohet, kjo është provinva e 19-të e Kinës, që anuloi plotësisht taksat e bujqësisë dhe të blegtorisë.

Deri tani, mbi 50% të provincave të Kinës anuluan taksat e bujqësisë dhe të blegtorisë. Sipas këtij plani të përgjithshëm shtetëror mbi anulimin e taksave të bujqësisë brenda 5 vjetësh, në vitin 2004, provinca Hilongjiang dhe provinca Jilin, si pika eksperimentale, kanë zbatuar reformën për anulimin e taksave të bujqësisë. Është ulur 3% përqindja e taksave të bujqësisë të 11 provincave dhe të rajoneve autonome kryesore të prodhimit të drithërave. Përqindja e taksave të bujqësisë të provincave të tjera është ulur 1%. Shangai, Pekini, Tianjini, Zhejiangu dhe Fujiani përkatësisht anuluan taksat e bujqësisë. Disa provinca, qytete dhe rajone, që shpallën, kohët e fundit, anulimin e taksave të bujqësisë, kanë zhvilluar reformën sipas kërkesave kryesore.

Krahas fillimit të ndërtimit të veprave të komunikacionit dhe të infrastrukturave të tjera, si dhe një sërë veprash të mëdha kryesore, rritja e GDP-së së gjithë provincës Qinghai ka qënë për shumë vjet me radhë më e lartë se niveli mesatar i mbarë vendit. Në vitin 2004, vëllimi i prodhimit të përgjithshëm për frymë të kësaj province i kaloi të 1000 dollarët amerikanë. Të ardhurat finaciare dhe përfitimet industriale kanë thyer rekordin historik.

Gjatë vitit 2004, provinca Qinghai ka forcuar punën për problemin e bujqësisë, të fshatrave dhe të fshatarëve. Baza e bujqësisë dhe e blegtorisë është forcuar më tej dhe u realizuan shtimi i prodhimit të bujqësisë dhe të blegtorisë dhe shtimi i të ardhurave të fshatarëve. Të ardhurat bruto të fshatarëve për frymë i kaluan të 2000 juanët.

Përveç këtyre, kjo provincë ka zbatuar subvencionin direkt për fshatarët, që prodhojnë drithëra. Në këtë vit, zgjidhja e problemit të bujqësisë, të fshatrave dhe të fshatarëve do të konsiderohet si një nga detyrat më të rëndësishme të punëve të kësaj province. (Sihai)