Në zonën e lagjeve Wangjing, që ndodhet në pjesën veri-lindore të Pekinit, banojnë shumë shtetas jugkoreanë, që punojnë në Kinë. Prandaj atje ka shumë dyqane, që shesin mallra të Koresë së Jugut. Zoti Hong Chunzhi 36 vjeçar ka hapur një shoqëri të ushqimeve, për të shitur posaçërisht ushqime të importuara nga Koreja e Jugut. Megjithëse kjo shoqëri sapo është krijuar, biznesi i tij është shumë fitimprurës.

Hong Chunzhi i tha gazetarit se çmimi i shitjes së ushqimeve të njëllojta në dyqanin e tij nuk ka asnjë ndryshim në krahasim me çmimet e të njëjtave ushqime në dyqanet e Koresë së Jugut. Prandaj, shumë koreanë jugorë vijnë shpesh në dyqanin e tij, për të blerë diçka. Tani, janë shtuar në dyqanin e tij edhe konsumatorë kinezë. Vitin e kaluar, ai importoi 6 kontenierë me ushqime me vlerë prej 2 milionë juanësh.

Vitet e fundit, kinezët, që zhvillojnë biznesin e shitjes me pakicë të mallrave të importuara, janë të shumtë. Krahas zhvillimit të shpejtë ekonomik, niveli i konsumit të banorëve kinezë është ngritur pandërprerë, kërkesa e konsumatorëve kinezë për mallrat e importuara është bërë më e madhe. Sipas të dhënave statistikore të Ministrisë së Tregtisë të Kinës, vëllimi i përgjithshëm i importit të mallrave në kinë në 11 muajt e parë të vitit 2004 i kaloi të 500 miliardë dollarët amerikanë, duke u shtuar 40% në krahasim me të njëjtën periudhë të vitit të kaluar.

Bashkëpunëtorja shkencore e Institutit të kërkimor të financës, të tregtisë dhe ekonomisë pranë Akademisë së Shkencave Shoqërore të Kinës, zj. Zhao Jin për një kohë të gjatë merret me punën e studimit të tregtisë ndërkombëtare dhe të investimeve. Duke iu përgjigjur pyetjeve të korrespondentit të radios sonë, ajo vuri në dukje se janë të shumtë faktorët e nxitjes së rritjes së shpejtë të vëllimit të importit të vitit 2004 të Kinës. Ajo tha se përveç shtimit të kërkesës së konsumit, kërkesa e investimeve të vendit është shumë e madhe dhe investimet e huaja në Kinë janë shtuar. Dhe nga ana tjetër, politika e hapjes kineze ka nxitur shtimin e importimit. Pas pranimit të Kinës në Organizatën Botërore të Tregtisë, mjedisi i tregtisë është hapur më tej, taksat doganore janë ulur dhe pengesa e taksave jodoganore është anuluar gradualisht.

Zonjë Zhao tha se krahas ngritjes së nivelit të jetesës së banorëve kinezë, kaqënë shumë e shpejtë edhe shitja e produkteve të importuara, sidomos e produkteve të industrisë së informacioneve. Rritja e shpejtë e investimeve në kapitale fikse të vendit ka nxitur, gjithashtu, rritjen e shpejtë të importit të energjisë, lëndëve të para, pajisjeve të makinerive etj. Përveç këtyre, zgjerimi i investimeve të shoqërive shumëkombëshe në Kinë është bërë edhe një tjetër forcë nxitëse e ngritjes së importit kinez. Specialistët janë të mendimit se krahas zgjerimit të përmasave të investimeve të huaja në Kinë, roli nxitës i investimeve të huaja për rritjen e importit do të shtohet nga dita në ditë.

Në mallrat e shumta të importuara, në vitin 2004, në Kinë, produktet elektro-mekanike kanë zënë 50%. Nënkryetarja e Shoqatës tregtare të import-eksportit të produkteve elektro-mekanike të Kinës, zj. Yao Wenping i tha gazetarit se gjatë disa vjetëve të fundit, importi i produkteve elektro-mekanike ka ruajtur, gjithmonë një prirje të rritjes së shpejtë. Në 10 muajt e parë të vitit 2004, vëllimi i përgjthshëm i produkteve elektro-mekanike të importuara në Kinë i kaloi 270 miliardë dollarët amerikanë, duke u shtuar 36% në krahasim me të njëjtën periudhë të vitit 2003. Ajo tha se në mallrat e importit dhe të eksportit, pesha e produkteve elektro-mekanike është më e madhe Ajo tha se para 5 vjetëve, produktet e eksportit tonë ishin produkte të thjeshta elektro-mekanike, si mjete, pjesë këmbimi të pajisjeve etj. Por tani, produktet e eksportit tonë janë produktet komplekse dhe më të përparuara.

Zonja Zhao i tha gazetarit se importi i ka sjellë zhvillimit ekonomik të Kinës pajisje dhe teknologji të përparuara dhe domosdoshme. Për shkak të disa kufizimeve të ndryshme, ka shumë produkte, që i duhen Kinës, të cilat nuk arrihen të importohen.

Zonja Zhao është e mendimit se veprimet e disa vendeve, që kufizojnë produktet e tyre të eksportit në Kinë, do të jenë të pafavorshme për zhvillimin ekonomik të botës, duke u nisur nga largpamësia. Tani, Kina është bërë vendi i 3-të i importit në botë. (Sihai)