Më 17 janar, zyra e shtypit e Këshillit të Shtetit të Kinës organizoi në Pekin një konferencë shtypi, zv-drejtori i Drejtorisë Shtetërore Kontrolluese e Administrative të Prodhimit me Kushte Sigurie të Kinës Liang Jiakun u bëri të njohur gazetarëve kinezë dhe të huaj gjendjen e sigurisë gjatë procesit të prodhimit në Kinë për vitin 2004 dhe punët kryesore të këtij viti. Ai tha se në vitin 2004, u ul sasia e aksidenteve gjatë prodhimit dhe gjendja e sigurisë gjatë prodhimit në përgjithsi ishte e qendrueshme.

Por zv-drejtori Liang Jiakun vuri në dukje gjithashtu se tani gjendja e sigurisë gjatë prodhimit në Kinë është akoma serioze, shpesh ndodhin aksidente të mëdha, prandaj duhet të forcohen kontrolli e administrimi i sigurisë gjatë prodhimit dhe ndërtimi i sistemit për të parandaluar dhe pakësuar aksidentet gjatë prodhimit. Ai tha:

"Për sa i përket ndërtimit të sistemit ligjor, duhet të shpejtojmë hartimin e rregulloreve ligjore përkatëse në bazë të Ligjit të Ruajtjes së Sigurisë gjatë Prodhimit të Kinës. Nga ana tjetër, duhet të forcojmë kontrollin ndaj veprimtarive që shkelin sigurinë në prodhim."

Gjithashtu, Kina do të forcojë ndërtimin e sistemit kontrollues e administrativ të sigurisë në prodhim. Kina ka krijuar sistemin e lejes administrative të prodhimit duke respektuar sigurinë, sipas këtij sistemi, nuk lejohet hyrja në treg e ndërmarrjve pa plotësuar kushtet e sigurisë në prodhim.

Vitet e fundit, në minierat e qymyrgurit në Kinë kanë ndodhur shumë aksidente gjatë procesit të prodhimit. Në aksidentin e madh të minierës Tongcuan të provincës Sansi që ndodhi në nëntor të vitit 2004, vdiqën mbi 160 veta. Tani shmangia e aksidenteve të mëdha gjatë prodhimit është bërë detyra kryesore e organeve përkatëse kineze. Duke folur për gjendjen kontrolluese e administrative në këtë fushë, zëdhënësi i Drejtorisë Shtetërore të Prodhimit me Kushtet e Sigurisë të Kinës Huang Yi tha:

"Ne do të forcojmë më tej punët e sigurimit të minierave të gjymyrgurit dhe do të përsosim më tej sistemin kontrollues të sigurisë gjatë prodhimit në miniera. Njëkohësisht do të shtojmë investime në sigurimin e minierave të gjymyrgurit dhe do të përmirësojmë kushtet e prodhimit në miniera duke nxitur përparimin e teknologjisë së prodhimit të minierave."

Krahas këtyre, funksionarë të kësaj drejtorie folën edhe për sigurimin e rrugëve dhe prodhimin e produkteve të rrezikshme kimike. (fani)