dëgjoni

Të dashur lexues, jam Damini, ju përshëndes përsëri larg nga Pekini në programin tonë muzikor. Sot ju ftoj të shijoni një grup këngësh popullore të Kinës veri-lindore. Ejani bashkë me mua të vizitoni pak Kinën veri-lindore.

Zona veri-lindore e Kinës do të thotë provincat Hejlongjian, Jinling dhe Liaoniang. Atje ka fushë të gjerë pjellore, varg malet Daxinanling dhe Xiaoxinanling, Changbaishan, ka edhe shume lumenj të bukura Hejlongjiang, Usulijiang, Sonhuajiang, Mudajiang etj, si dhe liqene e këneta të panumerta. Në këtë fushë të gjerë e pjellore përqëndrohen banorët Hanë dhe banorët e shumë pakicave kombëtare, si mançure, mongole, hui, korane, daure, ëluncun, hëzhë etj. Këto kombësi kanë edhe burime shumë të pasura të këngëve popullore. Sot, ju ftoj të shijoni një grup këngësh popullore të kombësisë Hane në Kinën veri-lindore. Në radhë të parë do të dëgjoni këngën me titull: "Të shkojmë të shikojmë Yangë", të interpretuar nga këngëtari i famshëm kinez Go Song. "Yangë", që ju kam prezantuar në programin e kaluar muzikor, është një lloj kënge popullore të interpretuar e shoqëruar me valle.

Në historinë e Kinës shumë fshatarë të provincave Shandong, Hëbei të Kinës ishin mërguar në Kinën veri-lindore, ku mbillnin kultura bujqësore duke formuar edhe fshatrsat e tyre. Njëkohësisht ata kishin sjellë atje edhe këngët e tyre popullore. Kina veri-lindore ishte me transport relativisht të zhvilluar dhe me industri e tregti të zhvilluar më herët se krahinat e tyre në Kinë, pra edhe shkëmbimet ekonomike e kulturore ishin të dëndura. Kështu edhe stilet e këngëve popullore të tri provincave të Kinës veri-lindore janë të përafërta. Ndër këngët popullore të Kinës veri-lindore dallohen edhe meloditë, të cilat karakterizohen nga krenaria, humori, gjallëria dhe thjeshtësia, Më poshtë ju ftoj të dëgjoni melodinë me titull: "Shikojmë operën", ku pasqyrohet pamja e shikimit të operës nga një grup nusesh të reja e të bukura, të shoqëruara nga dhëndrit e tyre.

Në Kinën veri-lindore përmbajtjet e melodive janë shumë të pasura, ndër to shumica pasqyron jetën argëtuese të fshtarëve, ndoshta kjo ka lidhje me zakonin e jetës së tyre, që kanë sezonin e pushimeve dimërore. Në Kinën veri-lindore ka klimë shumë të ftohtë, sezoni dimëror është i gjatë, njerëzit pushojnë në shtëpi, bëjnë vetëm punë shtëpiake, ose mbi krevatet e ngrohta e të gjera, të ndërtuara me tulla, bëjnë muhabet dhe bëjnë lojëra. Kështu lindin shumë këngë e melodi që pasqyrojnë lojërat me pyetje-përgjigje. Kjo formë melodish është e mirëpritur shumë nga banorët. Më poshtë ju ftoj të shijoni këngën e melodisë për emrat e luleve, të interpretuar nga këngëtarja e famshme kineze Shan Xiu Yong.

Në Kinën veri-lindore janë përhapur edhe shumë aktivitete popullore koreografike, si valle me "Yangë" etj. Kështu interpretimi i melodive ka lidhje të ngushtë me këto aktivitete koreografike. Zakonisht këto melodi fillojnë të interpretohen pas mbarimit të valleve dhe pas interpretimit të melodive fillojnë vallet. "I hedh shikimin të dashurit tim" është një nga "Yangët". Në të pasqyrohet një vajzë, e cila shkonte me gëzim të madh për t'u takuar me të dashurin e saj. Ajo ka marrë me vete shumë dhurata, por binte shi dhe ajo pa dashur nga rrëshqitja ra në tokë, të gjitha dhuratat i humbën. Kjo melodi ka karakteristika të theksura të Kinës veri-lindore dhe shumë interesante. Tani ju ftoj ta shijoni.

Të dashur lexues, shijuat një grup këngësh të Kinës veri-lidnore. Mirudëgjofshim herën tjetër! ( Daming )