Në dhjetor të vitit 2004, skenaristja dhe drejtorja e Arkivit Qendror Shtetëror të Filmit Shqiptar, Natasha Lako bashkë me kolegen e saj, shefen e redaksisë së arkivit Naria Qesari erdhën për vizitë në Kinë me ftesën e Arkivit të Filmit Kinez.

Poetja dhe u gjendën pritjeje në një atmosferë të ngrohtë nga kolegët dhe kineastët kinezë, nga prezantuesi i njohur i rubrikës "Magjia e filmave artistikë " të Televizionit Qendror të Kinës z. Cui Yongyuan si dhe nga zv-drejtorja e kanalit kinematografik të CCTV-së Jia Qi, sepse edhe redaktorët e këtij kanali kinematografik të CCTV-së interesohen për filmat artistikë shqiptarë dhe kanë dëshirë të shfaqin në ekranin e Televizionit Qendror filmat artistikë shqiptarë.

Një gjë që u dha gëzim mysafireve shqiptare është edhe vizita në Radion e Jashtme të Kinës.

Në një mbrëmje të së shtunës, Znj. Natasha dhe kolegia e saj erdhën edhe për vizitë në redaksinë e gjuhës shqipe të Radios së Jashtme të Kinës.

Pasi vizituan ekspozitën e fotografive të bëra gjatë aktiviteteve të Radios së Jashtme të Kinës në periudha të ndryshme të zhvillimit të Radios si dhe ekspozitën e vitrinave me dhurata të dërguar nga dëgjuesit e vendeve të ndryshme të botës dhe dolën fotografi përpara vitrinës së redaksisë së gjuhës shqipe ku janë vendosur sende karakteristike të dërguara nga dëgjuesit e gjuhës shqipe nga Shqipëria, Kosova dhe vende të tjera të botës, si flamuri kombëtar shqiptar, artikuj të punimeve artistike shqiptare, letra të dëgjuesve shqiptarë, albume dhe kartolina me pamje të bukura nga Shqipëria e Kosova etj.

Ato erdhën në redaksinë e gjuhës shqipe dhe biseduan këtu në Kinë, në gjuhën shqipe, me anëtarët e redaksisë që ishin atë ditë në punë. Ato hapën faqen e internetit të Radis së Jashtme të Kinës në gjuhën shqipe, panë me interes rubrika të ndryshme të kësaj faqeje si dhe artikuj të shkruar në gjuhën shqipe.

Në rubrikën mbi javën e filmave artistikë kinezë në Shqipëri, znj Natasha Lako pa edhe fotografitë e burrit të saj Mevlan Shanaj, dalë bashkë aktoren kineze Narenhua gjatë takimit në Shqipëri me delegacionin kinematografik kinez. Kjo gjë e gëzoi më shumë.

Znj.Natasha i dhuroi redaksisë edhe librin e saj me poezi të zgjedhura të titulluar: "Lëkura e ujit". Ato dolën në fotografi së bashku me anëtarët e redaksisë, që ishin në punë.

Pastaj, ajo dha për korrepondenten  Huailu të redaksisë së Radios së Jashtme të Kinës në gjuhën shqipe edhe një intervistë radiofonike, ku ajo foli për arkivin e filmit shqiptar, për pritjen e ngrohtë që i rezervoi ajo delegacionit kinematografik kinez në shtëpinë e saj, për rolet e luajtur nga burri i saj Mevlan Shanaj në filmin " I teti në bronz " dhe në filma të tjera, për filmin e fundit artistik "Lule të kuqe dhe lule të zeza". Tani po japim pjesën e parë të Tekstit të plotë të kësaj interviste:

Lu: Të dashur dëgjues, sot na erdhën për vizitë në Redaksinë tonë të gjuhës shqipe.

Drejtoresha e Arkivit Qendror Shtetëror të Filmit Shqiptar zj. Natasha Lako dhe shefja e redaksisë së filmit zj Naria Qesari

I ftuam këto mysafirë në studion tonë për një intervistë radiofonike.

Lu : Mirëmbrëma zj.Natasha, është hera e parë për ju që vini në Kinë dhe kjo në bazë të shkëmbimeve të arkivave të filmave shqiptaro-kineze. Si ndiheni nga kjo vizitë ?

Natasha: Unë jam e lumtur të them në rradhë të parë që gjuha shqipe ka ardhur këtu para meje, nëpërmjet radios suaj dhe emisioneve tuaja shumë të bukura. Shqipja është një nga gjuhët më të lashta të Ballkanit dhe të Evropës dhe juve nëpërmjet saj forconi miqësinë e madhe shqiptaro-kineze, e them këtë sepse unë në rradhë të parë jam shkrimtare dhe çmojë në mënyrë të jashtëzakonshme gjuhët sepse janë një pasuri dhe një mjet shumë i madh i çdo populli për të thënë gjithçka, mendimet, shqetësimet, hallet por edhe për të thënë edhe gjërat dhe fjalët më të bukura që lidhin njerëzit. Pikërisht sot unë ndodhem në këtë redaksi së bashku me kolegen time zonjën Nare Qesari.

Kemi ardhur të ftuar nga zoti drejtor i Arkivit të Filmit kinez për të bërë një vizitë në Arkivin e Filmit kinez pasi historia e marrëdhënieve tona nuk është thjeshtë një histori marrëdhëniesh protokollare midis dy arkivave por është historia e shkëmbimit të filmit, filmit shqiptar me atë kinez, është si të thuash siç kemi shtrënguar duart si miq midis njeri-tjetrit, ne kemi parë edhe filmat e njëri-tjetrit.

Në dy arkivat tona ndodhen filma në arkivën shqiptare ndodhën filma kinezë dhe në arkivën kineze ndodhen filma shqiptarë që spektatori kinez i ka dashur shumë. Ne mësuam këtu se për rreth 7-8 vjet po thuaj në një periudhë të caktuar filmat shqiptarë kanë qënë si mbretërit e artit tonë kinematografik sepse ne kemi sjellë këtu filma shumë të mirë, filma të realizuar, për një periudhë kohe dhe nëpërmjet filmit edhe shqiptarët kanë transmentuar kulturën e tyre edhe spektatori kinez ka mësuar shumë tepër nga jeta shqiptare. (zhai)