Në një konferencë shtypi, të organizuar më 13 janar, mbi " programin e autostradave të Kinës", ministri kinez i komunikacionit, zoti Zhang Cunxian tha se sipas planit, Kina do të investojë 2 trilione juanë për ndërtimin ë autostradave me gjatësi prej 85 mijë kilometrash, të marra së bashku. Me këto autostrada do të lidhen të gjitha qytetet e Kinës që kanë mbi 200 mijë banorë. Zoti Zhang është i mendimit se ndërtimi i këtyre autostratave do të ndikojë pozitivisht mbi zhvillimin social-ekonomik dhe jetën e popullit kinez.

Në krahinat e brendshme ndërtimi i autostratës ka vetëm një histori 17-vjeçare. Tani 34 mijë kilometra autostrata të ndërtuara po shërbejnë me efektivitet të lartë në zhvillimin social-ekonomik të Kinës. Në fund të vitit 2004, qeveria kineze miratoi " programin për ndërtimin e rrjetit të autostratave të Kinës". Sipas këtij programi, brenda 30 vjetëve të ardhshëm në Kinë do të krijohet një rrjet i autostratave shtetërore me gjatësi prej 85 mijë kilometrash.

Ndër këto autostrada të reja përfshihen 7 autostrada nga Pekini për në krahina të tjera të vendit dhe 27 autostrada nga jugu në veri dhe nga lindja në perëndim të vendit. Ministri i komunikacionit Zhang tha se me këto autostrada do të lidhen të gjitha kryeqendrat e provincave dhe të gjithë qytetet, që kanë mbi 200 mijë banorë. Ky rrjet do të përfshijë një miliard banorë të vendit.

' Ky rrjet do të përfshijë një miliard banorë dhe vëllimi i GDP-s të krahinave, ku kalojnë këto autostrada, përbën mbi 85% të vëllimit të përgjithshëm të GDP-s të mbarë vendit. Pas krijimit të këtij rrjeti, në rajonet e Kinës lindore banorët mund të arrijnë në autostradë për 30 minuta, në rajonet e Kinës qendrore për një orë, ndërsa në rajonet e Kinës perëndimore për afro 2 orë, dhe do të krijohen lehtësira të mëdha për transportin e pasagjerëve dhe të mallrave.

Ministri Zhang tha se rrjeti i autostradave është kanali kryesor i rrjetit të rrugëve automobilistike të Kinës. Krijimi i rrjetit të autostradave do të jetë në favor të shpejtimit të ndërtimit të tregut unik të mbarë vendit, do të luajë një rol të madh për zhvillimin e forcave prodhuese dhe për forcimin e aftësisë konkuruese dhe nga ana perspektive do të ushtrojë një ndikim të madh mbi modernizimin e mënyrës së jetës së popullit kinez.

Sipas njoftimeve, për ndërtimin e këtij rrjeti autostradash do të investohen 2 trilione juanë dhe para vitit 2010 do të investohen mesatarisht 140 deri 150 miliardë juanë në vit. Duke iu përgjigjur pyetjeve të gazetarëve, ministri Zhang tha se burimi i këtyre fondeve është i sigurtë. Këto fonde burojnë kryesisht nga taksat, borxhet shtetërore, kreditë e bankave, investimet e brendshme dhe të jashtme, duke përfshirë këtu edhe fondet shoqërore.

Ministri Zhang bëri të ditur se qeveria kineze i kushton rëndësi të madhe edhe ndërtimit të rrugëve automobilistike në fshat. Ministria Kineze e Komunikacionit dhe Komisioni Shtetëror i Zhvillimit dhe i Reformës i Kinës do t'i paraqesin Këshillit të Shtetit të Kinës një plan të ri për ndërtimin e rrugëve automobilistike nëpër fshatrat kinezë. Sipas këtij plani qeveria kineze do të investojë edhe 100 miliardë juanë të tjerë. ( zhang )