Vitet e fundit, vëllimi i shitjes së automjeteve kineze është rritur me shpejtësi të madhe. Por këta muajt e fundit, kjo rritje është ngadalësuar. Sipas statistikave të Shoqatës së Industrisë Automobilistike të Kinës, në maj të këtij viti, vëllimi i shitjes së automobilave kineze u ul 20% në krahasim me prillin, derisa në qershor, ky vëllim vazhdoni të ishte i ulët.

Lidhur me këtë gjendje, funksionari i Ministrisë së Tregtisë të Kinës Huang Hai tha se ulja e vëllimit të shitjes së automobilave brenda një afati të shkurtër nuk do të thotë se është ngopur tregu i automobilave në Kinë. Në gjysmën e parë të këtij viti, vëllimi i shtitjes së automobilave kineze u rrit 45% në krahasim me të njejtën periudhë të vitit të kaluar, shifër kjo që radhitet akoma në vendet e para në botë. Ai tha:

"Nga janari deri në qershor, u rrit shpejt vëllimi i shitjes së automobilave kineze. Parashikohet se para vitit 2008, kërkesa për automobila në Kinë do të rritet mbi 10%."

Huang Hai tha se shkaku më thelbësor që ndikon në kërkesën për automobila është zhvillimi ekonomik. Tani qeveria kineze po zbaton masa të makro-kontrollit, ekonomia kineze ka ruajtur zhvillimin e vazhdueshëm dhe të shpejtë, vazhdojnë të shtohen të ardhurat e banorëve dhe do të shtohen pandërprerë familjet që blejnë mjete të motorizuara. Krahas këtyre, politika e industrisë automobilistike të Kinës e hartuar kohët e fundit do të luajë rol aktiv për nxitjen e konsumit të automjeteve.

Ndërmarrjet më kryesore automobilistike ndërkombëtare si BMW-ja, Benzi etj shprehën besimin e plotë për perspektivën e tregut kinez të konsumit të automobilave dhe bënë përkatësisht investime në Kinë. Këtë vit, shoqëria gjermane Volksvagen ka rregulluar disa herë projektet e zhvillimit në Kinë, po kështu Honda japoneze etj ka shtuar investime në Kinë për të ngritur vëllimin e prodhimit

Tregu Beifang i automobilave është një treg i madh automobilistik në Pekin. Një përgjegjës i këtij tregu Xu Xi Lin shprehu besim të plotë për shitjen e automobilave në gjysmën e dytë të këtij viti dhe në disa vjet të ardhshëm. Ai tha:

"Sipas gjendjes së shitjes së automobilave të tregut tonë, rritja e prodhimit dhe e konsumit të automobilave përputhet me rritjen ekonomike. Këtë vit ekonomia kineze zhvillohet me qëndrueshmëri, me zbatimin e mëtejshëm të masave të makro-kontrollit, ekonomia kombëtare do të rritet vazhdimisht, dhe prandaj do të rritet edhe edhe vëllimi i shitjes së automobilave."

Qendra shtetërore e informacioneve kineze parashikon se në vitin 2005, në Kinë do të kërkohen 5.9 milionë automobila. Kina do të jetë vendi i dytë i madh në botë i konsumit të automobilave. (fani)