Më 11 dhjetor 2004, u mbushën tre vjet nga koha, kur Kina u pranua në Organizatën Botërore të Tregtisë. Para 3 vjetëve, shumë njerëz parashikuan se pjesëmarrja e Kinës në Organizatën Botërore të Tregtisë do të ndikonte negativisht në zhvillimin e industrisë farmaceutike të Kinës. Tani kanë kaluar tre vjet. Si është tani industria kineze farmaceutike?

Sipas premtimeve që ka dhënë Kina pas pranimit në Organizatën Botërore të Tregtisë, Kina duhet të ulë gradualisht taksat doganore të importit të ilaçeve, dhe të hapë tregun e shitjes me pakicë dhe me shumicë të ilaçeve. Gjatë tre vjetëve të fundit, qeveria kineze ka mbajtur me seriozitetin e duhur këto premtime dhe ka hapur pandërprerë sektorët farmaceutikë.

Në fillim shumë njerëz shqetësoheshin se ulja e taksave doganore dhe hyrja e ilaçeve të huaja në tregun kinez, me siguri do të preknin shumë sektorët e industrisë farmaceutike të Kinës. Por si është gjendja e tanishme reale? Për këtë korrespondenti i radios sonë intervistoi zotin Zhu Canhao, nënkryetar i shoqatës farmaceutike të Kinës. Ai i tha korrespondentit se pas pranimit të Kinës në Organizatën Botërore të Tregtisë, goditja që pësuan ndërmarrjet farmaceutike, nuk i kaloi parashikimet. Përkundrazi, në prodhimin e ilaçeve të Kinës është krijuar një tendencë e zhvillimit të shpejtë, me 10% rritje në vit, domethënë më e shpejtë se ajo e rritjes së ekonomisë kombëtare të vendit.. Krahas kësaj, për arsye se ilaçet e prodhuara nga Kina mund të plotësojnë në përgjithësi kërkesat e tregut, nuk u shfaq dukuria e hyrjes në përmasa të mëdha të ilaçeve të huaja në Kinë. 

Ai tha: Sektorët farmaceutikë të Kinës janë hapur herët për botën e jashtme. Korporatat e mëdha farmaceutike të botës që radhiten në 20 vendet e para në botë, kanë hapur ndërmarrjet me investime të përbashkëta në Kinë. Këto ndërmarrje prodhojnë dhe shesin ilaçet e tyre në Kinë. Por krahas zhvillimit të industrisë farmaceutike të Kinës, shumë ilaçe mund të prodhohen nga vet Kina. Zoti Zhu vazhdoi: Pas pranimit të Kinës në Organizatën Botërore të Tregtisë, kemi dërguar shumë punonjës për studim jashtë vendit, për të marrë përvojën e vendeve të tjera në administrimin e ndërmarrjeve. Mund të themi se niveli i tanishëm i përgjithshëm i ndërmarrjeve farmaceutike të Kinës është ngritur në një shkallë të re dhe kjo është në favor të ngritjes së aftësisë së tyre konkuruese në tregun ndërkombëtar.

Për një kohë të gjatë, për arsye se Kina nuk ishte pranuar në Organizatën Botërore të Tregtisë, shumë vende të tjera të botës krijonin pengesa doganore, ose zbatonin politikën diskriminuese për ilaçet e mjekësisë kineze, duke penguar shitjen e këtyre ilaçeve në tregun ndërkombëtar. Por, pas pranimit në Organizatën Botërore të Tregtisë, sipas rregullave të kësaj organizate, midis vendeve anëtare nuk lejohet krijimi i pengesave doganore dhe as politika diskriminuese. Prandaj hyrja e Kinës në Organizatën Botërore të Tregtisë i ka krijuar Kinës shanse të reja të zhvillimit të mjekësisë kineze dhe të ilaçeve të saj në botë. Për këtë, gjatë tre vjetëve të fundit sektorët administrativë të farmacisë popullore kineze kanë marrë masa përkatëse për ngritjen e cilësisë, të sigurimit dhe të efektivitetit të ilaçeve të mjekësisë kineze, duke shtuar aftësinë konkuruese të këtyre ilaçeve në tregtinë me botën e jashtme. 

Hyrja e Kinës në Organizatën Botërore të Tregtisë u ka krijuar lehtësira pacientëve të huaj për mjekim në Kinë. Sipas premtimeve që ka dhënë Kina, kur mjekohen në Kinë, pacientët e huaj gëzojnë të drejta të barabarta me shtetasit kinezë. Për arsye se shpenzimet për shërbimet mjeksore në Kinë janë më të pakëta se sa në vendet e zhvilluara, gjithnjë e më shumë pacientë të huaj zgjedhin mjekimin në Kinë.

Nëndrejtori i spitalit Huaxin të Pekinit, zoti Zhang Xhonming i tha korrespondentit tonë: Një pacient kanadez erdhi për mjekim në spitalin tonë. Ai ka ardhur nga një vend i zhvilluar, por pagoi për shpenzimet e mjekimit, njësojë si kinezët. P.sh, për një operacion duhen 100 juanë si pagesë për pacientët kinezë, e njëjta pagesë kjo edhe për pacientët e huaj.

Ai tha se pas pranimit të Kinës në Organizatën Botërore të Tregtisë dhe krahas ngritjes dita ditës të nivelit të shërbimit mjeksor të Kinës, gjithnjë e më shumë pacientë të huaj vijnë për mjekim në Kinë. Tani spitali që ai drejton, po bën rikonstruksion të paisjeve mjeksore, në mënyrë që pacientët kinezë dhe të huaj të kenë një shërbim sa më të mirë mjeksor. ( zhang )