Me ftesën e Arkivit të Filmit Kinez, poetja, skenaristja dhe drejtorja e Arkivit Qendror Shtetëror të Filmit Shqiptar, Natasha Lako bashkë me kolegen e saj, shefen e redaksisë së arkivit Naria Qesari erdhën në dhjetor të vitit 2004, për vizitë në Kinë dhe u gjendën pritjeje në një atmosferë të ngrohtë nga kolegët dhe kineastët kinezë si edhe nga prezantuesi i njohur i rubrikës " Magjia e filmave artistikë " të Televizionit Qendror të Kinës z. Cui Yongyuan.

Gjatë qëndrimit në Pekin, zj, Natasha Lako dhe Neria Qesari patën edhe një takim me zv-drejtoren e kanalit kinematografik të CCTV-së Jia Qi, sepse edhe redaktorët e këtij kanali kinematografik të CCTV-së interesohen për filmat artistikë shqiptarë dhe kanë dëshirë të shfaqin në ekranin e Televizionit Qendror filmat artistikë shqiptarë.

Një gjë që u dha gëzim mysafireve shqiptare është edhe vizita në Radion e Jashtme të Kinës.

Në një mbrëmje të së shtunës, Znj. Natasha dhe kolegia e saj erdhën edhe për vizitë në në redaksinë e gjuhës shqipe të Radios së Jashtme të Kinës. Së pari ato panë ekspozitën e fotografive të bëra gjatë aktiviteteve të Radios së Jashtme të Kinës në periudha të ndryshme të zhvillimit të Radios si dhe ekspozitën e vitrinave me dhurata të dërguar nga dëgjuesit e vendeve të ndryshme të botës dhe dolën fotografi përpara vitrinës së redaksisë së gjuhës shqipe ku janë vendosur sende karakteristike të dërguara nga dëgjuesit e gjuhës shqipe nga Shqipëria, Kosova dhe vende të tjera të botës, si flamuri kombëtar shqiptar, artikuj të punimeve artistike shqiptare, letra të dëgjuesve shqiptarë, albume dhe kartolina me pamje të bukura nga Shqipëria e Kosova etj.

Pastaj, ato erdhën në redaksinë e gjuhës shqipe dhe biseduan këtu në Kinë, në gjuhën shqipe, me anëtarët e redaksisë që ishin atë ditë në punë. Ato hapën faqen e internetit të RJK në gjuhën shqipe, panë me interes rubrika të ndryshme të kësaj faqeje si dhe artikuj të shkruar në gjuhën shqipe. Në rubrikën mbi javën e filmave artistikë kinezë në Shqipëri, znj Natasha Lako pa edhe fotografitë e burrit të saj Mevlan Shanaj, dalë bashkë aktoren kineze Narenhua gjatë takimit në Shqipëri me delegacionin kinematografik kinez. Kjo gjë e gëzoi më shumë.

Znj.Natasha i dhuroi redaksisë edhe librin e saj me poezi të zgjedhura të titulluar: "Lëkura e ujit". Ato dolën në fotografi së bashku me anëtarët e redaksisë, që ishin në punë.

Pastaj, ajo dha për redaksinë e RJK në gjuhën shqipe edhe një intervistë radiofonike. Me të filluar intervistën, ajo tha : unë jam e lumtur të them në rradhë të parë që gjuha shqipe ka ardhur këtu para meje, nëpërmjet radios suaj dhe emisioneve tuaja shumë të bukura, pastaj ajo foli për arkivin e filmit shqiptar, për pritjen e ngrohtë që i rezervoi ajo delegacionit kinematografik kinez në shtëpinë e saj, për rolet e luajtur nga burri i saj Mevlan Shanaj në filmin " I teti në bronz " dhe në filma të tjera, për filmin e fundit artistik "Lule të kuqe dhe lule të zeza" me skenar të shkruar prej saj, për djalin si regjisor dhe burrin aktor kryesor të këtij filmi. Ky film doli me sukses të madh dhe mori edhe një çmim në festivalin ndërkombëtar kinematografik të Nju Jorkut.

Ajo shprehu dëshirën edhe për organizimin e javës së filmave shqiptarë në Kinë ashtu siç u organizua në Shqipëri java e filmit kinez në shqipëri. Në fund të intervistës ajo foli edhe për poezitë e saj si dhe për dëshirën e saj për shkëmbimet kino-shqiptare në fushën e kinematografisë.

Tekstin e plotë të kësaj interviste do ta gjeni në artikullin e ardhshëm. (zhai)