Kënga me titull: "Vjelja e gështenjave me ngjyrë të kuqe të ujit" është një këngë popullore e provincës Anhui. Në këtë këngë me melodi të bukur e ritmike pasqyrohen ndjenjat e gëzueshme të të rinjve e të rejave gjatë vjeljes së gështenjave të ujit. Ata duke punuar e duke kënduar, pasqyrojnë gëzimin e harenë e tyre.

Anhui, që ndodhet në pjesën lindore të Kinës, nga ana gjeografike është një zonë e lidhur si me krahinat veriore dhe me ato jugore të Kinës, prandaj zona ka një karakter kalimtar, si nga ana gjuhësore, ashtu edhe nga ana klimaterike dhe etnike. Kjo ka bërë që edhe këngët popullore të Anhuit të kenë karakteristika të përbashkëta veriore dhe jugore.

Kënga me titull: "Të ngrejmë lart në qiell balonat" është një këngë popullore e provincës Anhui. Në këngë përshkruhet një pamje e tillë: Në pranverën me plot rreze dielli, çelin lule të ndryshme, vajzat dalin për ekskursion duke marrë me vete balona, të zbukuruara prej duarve të tyre të arta. Ato sodisin dhe luajnë lirisht e me gëzim të madh në natyrë.

Këngët popullore të pjesës jugore të Anhuit karakterizohen nga imtësia dhe thjeshtësia, kurse ato të pjesës veriore të Anhuit karakterizohen nga zemërgjerësia e krenaria, janë humoristike dhe interesante. Më poshtë ju ftoj të shijoni këngën popullore të pjesës veriore të Anhuit me titull: "Vjelja e shegëve". Në këngë përshkruhet një vajzë që po vjel shelgë në oborr. ndërkohë i vjen i dashuri i saj, që kërkon të takohet me të dhe, në shënjë të pranisë së tij hedh një gur nga muri. Atij nuk i kishte shkuar në mend se ai gur do të binte pikërisht mbi kokën e vajzës.

Distrikti Fengyang është një distrikt i provincës Anhui, ku shquhet koreografia "Fengyang". "Kënga me daulle Fengyang" është një lloj arti koreografik tradicional i popullit Anhui. Ajo interpretohet duke kënduar dhe duke i rënë daulles. Në shoqërinë e vjetër, në Anhui, ku kalon lumi Huajhë, ndodhnin shpesh përmbytje. Gjatë përmbytjeve, banorët braktisnin vatrat e tyre duke kërkuar rrugëve lëmoshë. Një nga mënyrat e kërkimit të lëmoshës ishte duke kënduar "këngën Fengyang" dhe duke i rënë daulles në shpinë dhe gongës në dorë, bile edhe duke vallëzuar. Më poshtë ju ftoj të shijoni këngën popullore të Anhuit me titull: "Këngë me daulle Fengyang", ku pasqyrohet pikërisht pamja e atëhershme e rapsodëve. Një frazë nga teksti i këngës thotë: "Shkojmë në të katër anët me daulle mbi shpinë, duke braktisur vendlindjen tonë". Kjo këngë e pasqyroi demonstroi pamjen e hidhur të braktisësve të Anhuit nga zona e përmbytjeve.

Të dashur lexues, më në fund ju ftoj të dëgjoni këngën popullore të Anhuit me titull: "Të këndojmë për emrat e luleve". Kjo këngë është një duet. Melodia është entusiaste dhe e gëzueshme dhe vargjet e këngës janë të shkurtra. Në formë pyetje-përgjigje, aty jo vetëm përshkruhen lulet që përfaqësojnë katër stinët, por edhe katër kafshë të vogla. Në vargjet e këngës thuhet: "Cila lule çel rrëzë pemës? Rreth pemës gumëzhijnë bletat dhe lule mimoza çel rrëzë pemës. Cila lule çel në sipërfaqen e ujit? Bretkocat kërcejnë rreth gjetheve të lotusit dhe lule lotusi çel në sipërfaqen e ujit."

Të dashur lexues, dëgjuat një grup këngësh popullore të provincës Anhui të Kinës. Mirudëgjofshim herën tjetër. ( Daming )