Në gusht të vitit të kaluar, u kurorëzuan me sukses Lojërat Olimpike të Athinës, gjë që shënoi hyrjen zyrtarisht të olimpiadës në "periudhën e Pekinit". Gjatë vizitës së tij në Pekin në fund të tetorit, kryetari i Komitetit Ndërkombëtar Olimpik, Xhakes Rog tha se Lojërat Olimpike të Pekinit tani kanë hyrë në periudhën e "zbatimit të gjithanëshëm". Gjatë Lojërave Olimpike të Athinës, komiteti organizator i Lojërave Olimpike të Pekinit dërgoi mbi 400 punonjës në Athinë për të marrë përvojë. Pothuajse të gjithë këta punonjës janë të mendimit se gjatë procesit të përgatitjes 7 vjeçare, me gjithëse nuk munguan kritikat e Komitetit Ndërkombëtar Olimpik dhe dyshimet nga mediat, grekët, që ndjekin "përfundimin e punëve deri në minutën e fundit", arritën më në fund të organizomin me sukses të plot Lojërat Olimpike, që vlerësohen nga Rog si "një ëndërr". Mbarë bota mban shpresa për Lojërat e Olimpike të Pekinit dhe organizimi me sukses i Lojërave Olimpike të Athinës i paraqiti Pekinit kërkesa më të larta. Specialisti i Qendrës së Olimpiadës Humanitare, pranë Universitetit Renmin të Kinës, profesor Sun Jian vuri në dukje:

"Komiteti organizativ i Lojërave Olimpike të Pekinit ndjeu presion të madh. Po të bëjë përpjekje më të mëdha, Pekini do të ketë të njejtin rezulate me Athinën. Gjatë punëve përgatitore, kyçi është që punonjësit e Pekinit duhet të mbajnë gjakftohtësinë dhe të ngulin këmbë në frymën shkencore e racionale."

Disa stadiume e pallate sportive olimpike të Athinës u inguaruan para mbi 10 ditëve të hapjes së Lojërave Olimpike, gjë që në fakt pakësoi shumë shpenzimet për mirëmbajtjen e stadiumeve. Pekini ka paraqitur se do të përfundojë të gjitha punimet e ndërtimit të stadiumeve sportive para fundit të vitit 2006, dmth, një vit e gjysmë para hapjes së Lojërave Olimpike. Por shpenzimet për mirëmbajtjen e tyre do ta shtojnë shumë barrën ekonomike të Pekinit.

Duke thithur përvojën e Athinës, komiteti organizator i Lojërave Olimpike të Pekinit paraqiti në gusht 2004 që të shtyjë kohën e inaugurimit të stadiumeve sportive në vitin 2007. Lidhur me këtë, funksionari i këtij komiteti, Shao Shiëei tha se duhet të mbajmë qëndrim praktik. Ai tha:

"Gjatë vitit të kaluar, me përpjekjet e bashkisë së Pekinit dhe të komitetit organizator të Lojërave Olimpike të Pekinit, është bërë rregullimi për zbatimin e të gjitha veprave olimpike. Ky rregullim kishte rëndësi të madhe dhe u zbatua sipas kritereve të përcaktuara, kështu ai ka patur rezultate të mira."

Në problemin e shpenzimeve për organizimin e Lojërave Olimpike, Pekini vendosi të marri mësim prej Athinës. Sipas të dhënave statistikore të sektorit financiar të Greqisë, Lojërat Olimpike të Athinës kanë qenë më të shtrenjtat në histori me shpenzime prej 9 miliardë euro dhe, qeveria greke është ngarkuar me një barrë të rëndë financiare. Prandaj, Pekini ka rishikuar edhe njëherë projektin e ndërtimit të pallatit kryesor olimpik dhe në kushtin paraprak të mosndikimit mbi cilësinë e veprës, të pakësojë koston e lartë të ndërtimit të saj.

Duke i hedhur një vështirm vitit të kaluar, profesori Sun Jian i vlerësoi lartë punët përgatitore të Lojërave Olimpike të Peknit. Ai tha:

"Në vitin 2004, Lojërat Olimpike të Pekinit kaluan vitin racional. Nga drejtorët deri tek punonjësit bazë, të gjithë punuan në mënyrë shkencore, duke mësuar nga përvoja e të tjerëve. Besoj se në 4 vitet e ardhshme Pekini do të bëjë përgatitje për zhvillimin e olimpiadës me më shumë koncepte shkencore e racionale." (Wang Lei)