dëgjoni

Tani po ju flasim për instrumentin Erhu, një instrument shumë i njohur popullor në Kinë. Instrumenti Erhu, që quhet edhe "Huqin", lindi në vendin tonë qysh në kohën e dinastisë Tang, domethënë ka një histori 1200 vjeçare. Ai është shumë i përshtatshëm për të shprehur ndjenja të pikëllimit të thellë, por mund të përshkruajë edhe tablo madhështore.

I ndjeri muzikant i verbuar Hua Yan Jun, që pati nofkën "I verbuari Abing", ishte artist i famshëm në Kinë për interpretimin me Erhu. Veprën e tij të trashëgueshme me titull "Hëna pasqyrohet në burimin Erquan" ai e kompozoi para se të verbohej. Në vitet kur ende nuk kishte humbur dritën e syve, ai shkonte shumë shpesh për ekskursion në një vend me burim uji në malin Huishan të qytetit Uxi të provincës Jiangsu. Pasi humbi dritën e syve, Abing filloi të përshkruante me gjuhën e muzikës bukurinë e natyrës, të përfytyruar nga ai, kurse ndiente errësira të plota dhe vuajtjet e tij të pafund. Pra, në këtë melodi të bukur ndihen trishtimi dhe pikëllimi i tij, por ndihen edhe krenaria dhe vendosmëria e tij. Ai përdori peizazhin rreth burimit Erquan në qytetin Uxi, prandaj ia vuri melodisë së tij titullin "Hëna pasqyrohet në burimin Erquan". Në këtë melodi, nga njëra anë përshkruhet tabloja e një nate të qetë, kur uji i burimit është i kulluar dhe drita e hënës është e ftohtë; nga ana tjetër, shprehen indinjata dhe ankesa e autorit për jetën e tij ters. Tani, ju ftojmë të dëgjoni melodinë "Hëna pasqyhet në burimin Erquan", të interpretuar nga Li Hong me instrumentin Erhu.

 dëgjoni

Pasi dëgjuat melodinë"Hëna pasqyrohet në burimin Erquan", ju ftojmë të dëgjoni një melodi tjetër solo me titull "Gara e kalorësisë", të intgerpretuar me instrumentin Erhu. Kjo melodi, që është preferuar shumë nga dëgjuesit, u kompozua nga kompozitori i njohur Huang Huai Hai në vitin 1964. Në këtë melodi përshkruhet tabloja e garës së kalorësisë gjatë fistës Nadam, fistë tradicionale e banorëve të kombësisë mongole të vendit tonë. Në melodi përshkruhen bukuria e kuajve dhe gëzueshmet e banorëve mongolë gjatë festës dhe pasqyrohet jeta plot me hare në stepat e gjera dhe të bukura të Mongolisë së Brendshme. Interpretimi i kësaj melodie ka arritur një niveli të ri të interpretimit me instrumenti Erhu.

 dëgjoni

Në përfundimin e emisionit tonë, dëgjoni melodinë orkestrale me titull "Lart në çdo hap", të interpretuar nga kolektivi i artistëve nga Orkestra Simfonike Radiofonike Kineze. Në mes të tingujve të gëzueshëm muzikorë, ju urojmë edhe një herë të gjitha të mirat, jetën gjithënjë e më të bukur ashtu siç shprehet në titullin e melodisë "Lart në çdo hap".  dëgjoni

Ju flet radio e jashtme e Kinës. Të dashur dëgjues, dhamë fragmente të një koncerti me muzikë popullore kineze të organizuar në kuadrin e festës së pranverës të vitit 2005.

(Shkruar nga Afërdita dhe U Sen, përkthyer nga Zheng)