Ai tha se profesionet e kanditatëve për akademikë të rinj për vitin 2005, përfshin 8 institute të Akademisë së Inxhinjerisë Kineze, si institutin e Inxhinjerisë mekanike, institutin e inxhinerisë së informacionit dhe elektronike, institutin e inxhinjerisë së industrisë kimike, metalurgjike dhe të materialeve, institutin e inxhinjerisë energjetike dhe të mineraleve, institutin e inxhinjerisë së arkitekturës, hidraulike dhe të ndërtimit, institutin e inxhinjerisë të bujqësisë, industrisë së lehtë dhe të mjedisit, institutin e inxhinjerisë farmaceutike, të shëndetësisë dhe institutin e inxhinjerisë administrative.

Nga viti 2005, filloi të aplikohet standardi për shtimin e akademikëve të rinj. Sipas këtij standardi dhe sipas gjendjes së re të zhvillimit të degëve profesioniste, do të shtohen edhe akademikë të rinj të teknologjive biologjike dhe të materialeve të reja.

Mosha e kanditatëve për akademikë të rinj nuk mund të kalojë 70 vjeç, domethënë të lindur pas l korrikut të vitit 1935. Specialistët mbi 70-vjeçarë mund të bëhen kanditatë, vetëm me propozimin e 6 akademikëve të institutit të tij profesionist.

Akademia e Inxhinjerisë Kineze, e krijuar në vitin 1994, ka tani 658 akademikë.

Përpjekjet e provincës Gansu për përgatitjen e farërave dhe të fidanëve në hapësirën kozmike

Provinca Gansu e Kinës veri-perëndimore po bën përpjekje për përgatitjen e farërave dhe të fidanëve të drurit në hapësirën kozmike, për të zgjedhur fidanë të kualitetit të lartë dhe rezistentë ndaj thatësirës. Deri tani, në vendin tonë nuk ka patur shëmbuj të përgatitjes me sukses të farërave dhe të fidanëve në hapësirën kozmike.

Drejtori i Stacionit administrativ të fidanëve të provincës Gansu, Van San tha se pak kohë më parë në satelitin e 20-të kinez që u kthye me sukses në tokë, janë mbartur 200 grame farëra të drurit. Tani këto farëra janë shpërndarë dhe janë mbjellë në katër institucione të eksperimentimeve shkencore të kësaj province.

Sipas njoftimeve, ka gjithësej 11 variatete të farërave të drurit që çuan në hapësirën kozmike. Këto farëra janë të përshtatshme për mjedisin e thatë të Kinës veri-perëndimore.

Sipas njoftimeve, këto farëra kanë qëndruar për 18 ditë në hapësirën kozmike. Por, gjatë eksperimentimeve të mëparshme, koha e qëndrimit të farërave në hapësirën kozmike nuk kaloi në përgjithësi 72 orë. ( zhang )