Detyra e këshillit:

Detyra e këshillit është mbrojtja e "Kartës Olimpike". Kjo do të thotë që Këshilli Ekzekutiv i Komitetit Ndërkombëtar Olimpik duhet të mbajë përgjegjesinë përfundimtare të administrimit të Komitetit Ndërkombëtar Olimpik.

Hollësirat e detyrës së tij janë: miratimi i rregullave të brendshme të Komitetit Ndërkombëtar Olimpik; administrimi financiar dhe hartimin e raportit vjetor të komitetit; parashtrimi i raportit ndaj Sesionit të komitetit mbi ndryshimin e rregullave; propozimi i listës së kandidatëve të anëtarëve të Komitetit Ndërkombëtar Olimpik; hartimi i rendit të ditës të sesionit të komitetit; shkarkimi dhe ngarkimi i sekretarit të përgjithshëm i Komitetit Ndërkombëtar Olimpik; emërimi dhe shkarkimi i anëtarëve; caktimi i të ardhurave të anëtarëve të komitetit; ruajtja e arkivave të komitetit; hartimi i rregullave sipas kërkesës së tij për të siguruar zbatimin e "Kartës Olimpike" dhe për të garantuar organizimin normal të Lojërave Olimpike; zbatimi i të gjitha detyrave të autorizuara nga Sesioni i Komitetit Ndërkombëtar Olimpik.

Sipas propozimit të presidentit ose kërkesave të anëtarëve dërrmues të këshillit, Këshilli Ekzekutiv organizon konferencën e vet për 4-5 herë çdo vit nën drejtimin e presidentit të këshillit.

Këshilli Ekzekutiv i Komitetit Ndërkombëtar Olimpik u formua në vitin 1921 dhe këshilli përbëhej vetëm nga 5 anëtarët, por presidenti i kohës së atëherëshme i Komitetit Ndërkombëtar Olimpik, zoti Pierrre De Coubertini, nuk ishte gjithashtu dhe president i këtij këshilli. Presidenti i parë i këshillit ishte Godefroy de Blonay. Në maj të vitit 1925 në Pragë, ku u organizua Sesioni i 24-të i Komitetit Ndërkombëtar Olimpik, është vendosur që qysh nga ai vit, presidenti i Komitetit Ndërkombëtar Olimpik është në të njejtën kohë dhe përgjegjesi i Këshillit Ekzekutiv të komitetit. Prandaj presidenti i Komitetit Ndërkombëtar Olimpik i atij viti, Baillet Latour, u bë automatikisht presidenti i këtij këshilli. Më pas, numri i anëtarëve i këtij këshilli arriti në 9. Deri më sot, ky numër është 15, ndër të cilët 1 është presidenti, 4 janë zv/presidentët dhe 10 të tjerë janë anëtarët e përhershëm.

Tani, presidenti i Këshillit Ekzekutiv të Komitetit Ndërkombëtar Olimpik është Jacques Rogge, i cili u ngarkua me këtë detyrë në vitin 2001. Zv/presidentët janë përkatësisht Thomas Bach i Gjermanisë, Vitaly Smirnovi i Rusisë, James L.Eastoni i SHBA-së dhe Un Yong Kim i Koresë së Jugut. Anëtarët e përhershëm të këshillit janë përkatësisht Gunilla Lindbergu i Suedisë, Franco Carraro i Italisë, Denis Oswald i Zvicrës, Mario Vazquez Rana dhe Ottavio Cinquanta i Meksikës, Sergey Ubka i Ukrainës, Lambis V.Nikolaou i Greqisë, Toni Khoury i Libanit, Gerhard Heibergu i Novergjisë dhe Alpha Ibrahim Diallo i Guineas.

Presidenti i Këshillit Ekzekutiv të Komitetit Ndërkombëtar Olimpik është përgjegjesi i Komitetit Ndërkombëtar Olimpik, duke udhëhequr të gjithë veprimtarinë e komitetit. Ai ka të drejtë të formojë një komitet të përkohshëm ose të mbledh një grup të posaçëm kur ka nevojë dhe ka të drejtë të emërojë anëtarët e komiteteve ose e grupeve të tilla. Kur detyra e këtyre grupeve përfundon, ai ka të drejtë t'i shpërndajë. Ai është kryetari i të gjithë këshillave ose grupeve të Komitetit Ndërkombëtar Olimpik.(Jiang Lei)