Të dashur lexues, po japim rubrikën "Tregime dhe legjenda kineze". Po rrëfejmë tregimin me titull "Lian Po kërkoi falje".

Lian Po ishte gjeneral i shquar i shtetit Zhao dhe, me meritat e tij në luftë, ishte emëruar njëkohësisht kryeministër i parë. Më vonë, edhe Lin Siang-ru, që punonte bashkë me të në oborrin mbretëror dhe që pati merita në trajtimin e lidhjeve me shtetin Çin, gjithashtu u emërua kryeministër i parë dhe zuri pozitën mbi Lian Po. Kjo gjë ngjalli pakënaqësi tek Lian Po dhe ai e ruante këtë gjithmonë në zamër. Ai tha: "Unë jam gjeneral i Zhaos, luftova në betejat fushore dhe pata merita për zënien e qyteteve të kundërshtarëve, kurse Lin Siang-ru punoi vetem me gojën dhe gjuhën e tij, por ai u ngrit deri atje saqë zuri pozitën mbi mua. Kjo më turpëroi mua. Herën tjetër, kur takoj Lin Siang-ru, unë me siguri do ta fyej atë në sy."

Lin Siang-ru mori vesh se çfarë tha Lian Po dhe filloi të shmangej të takonte atë. Kur shkonte për punë në sallën mbretërore, nuk zinte vendin e parë dhe, kur shihte Lian Po në rrugë, e kthente qerren që të mos takohej ballë për ballë me të. Një punonjës në varësinë e Lin Siang-rusë tha: "Unë erdha për t'ju shërbyer duke lënë të afërmit e mi në shtëpi, sepse unë admiroj virtytet tuaj. Tani ju jeni në një pozitë të barabartë me Lian Po, por ju shmangeni të takoni atë edhe në kohën kur ai cenon ju me fjalë të rënda. Siç duket, ju keni shumë frikë nga ai."

Lin Siang?ru pyeti atë punonjës: "Po ta krahasosh Lian Po me mbretin e shtetit Çin, kush është më i ashpër?" Ai iu përgjigj: "Sigurisht Lian Po nuk krahasohet me mbretin e Çinit."Lin Siang-ru tha: "Ke të drejtë. Mbreti i Çinit është aq fodull, por unë guxova të bërtitnja përballë tij dhe të fyenja ministrat e tij. Mos vallë, unë kam frikë vetëm nga gjenerali Lian Po? Sot shteti Çin i fuqishëm nuk ndërmerr akt ushtarak kundër shtetit Zhao sepse ne të dy jemi në Zhao. Kur dy tigra përleshen, me siguri njëri prej tyre plagoset. Unë u shmangem konflikteve sepse i vë interesat shtetërore mbi mosmarrëveshjet pesonale." 

Kur dëgjoni këto fjalë të Lin Siang-rusë, Lian Po kuptoi gabimet e veta, zhveshi rrobat e sipërme, mori në shpinë një tufë ferra sipas zakonit të atëhershëm dhe shkoi tek porta e shtëpisë së Lin Siang-rusë për t'i kërkuar falje. Ai tha: "Unë veprova si njeri i poshtër dhe shkova deri atje saqë nuk kuptova zemërgjerësinë dhe fisnikërinë tuaj."Që nga ajo kohë, ata u pajtuan dhe u bënë miq që ndanin rreziqet.

Të dashur lexues, dhamë rubrikën "Tregime dhe legjenda kineze".