dëgjoni

Me ftesën e Arkivit të Filmit Kinez, poetja, skenaristja dhe drejtorja e Arkivit Qendror Shtetëror të Filmit Shqiptar, Natasha Lako bashkë me kolegen e saj, shefen e redaksisë së arkivit Naria Qesari erdhën në dhjetor të këtij viti, për vizitë në Kinë dhe u gjendën pritjeje në një atmosferë të ngrohtë nga kolegët dhe kineastët kinezë si edhe nga prezantuesi i njohur i rubrikës " Magjia e filmave artistikë " të Televizionit Qendror të Kinës z. Cui Yongyuan.

Në kuadrin e 55-vjetorit të vendosjes së marrëdhënieve kino-shqiptare dhe të 60-vjetorit të shpalljes së pavarësisë së Shqipërisë, një delegacion i kinematografisë kineze shkoi për vizitë në Shqipëri, ku organizoi edhe "Javën e filmave artistikë kinezë".

Gjatë aktiviteteve të shumta në Shqipëri, anëtarët e këtij delegacioni jo vetëm u ftuan për vizitë në Arkivin Qendror Shtetëror të Filmit Shqiptar, por edhe në shtëpitë e disa kineastëve shqiptarë. Pritja shumë e ngrohtë në shtëpinë e aktorit të njohur shqiptar, Mevlan Shanaj u ka lënë përshtypjet më të thella anëtarëve të delegacionit. Sepse e zonja e shtëpisë Mevlan Shanajt është pikërisht poetja, skenaristja dhe drejtorja e Arkivit Qendror Shtetëror të Filmit Shqiptar, Natasha Lako.

Ata u bënë miq të ngushtë dhe kur erdhi Natasha Lako dhe kogesia e saj Naria Qesari për vizitë në Kinë, disa anëtarë të delegacionit kinematografik të Kinës që porsa u kthyen nga vizita në Shqipëri, shtruan një darkë të ngrohtë për nder të mysafireve shqiptare.

Edhe drejtuesi i njohur i CCTV-së Cui Yong Yuan që ka dëshirë të intervistojë kineastë të filmave të vjetra artistikë shqiptarë dhe drejtorja e kanalit të kinematografisë të CCTV-së Jia Qi u takuan me këto mysafire shqiptare.

Gjatë takimeve të znj Natasha Lako dhe znj Naria Qesari në Pekin me liderët e Drejtorisë Kinematografike të Kinës, me drejtoren e kanalit kinematografik të CCTV-së si dhe me prezantuesin e njohur të CCTV-së, z. Cui Yongyuan si dhe gjatë vizitës në Radio e Jashtme të Kinës, ishte e pranishme edhe korrespondentja e redaksisë së Radios së Jashtme të Kinës Huailu, e cila bëri serialin e artikujve mbi vizitën e znj. Natasha Lako në Kinë.

Edhe drejtuesi i njohur i Televizionit Qendror të Kinës z. Cui Yongyuan dhe kolegët e tij të rubrikës " Magjia e filmave artistikë", shtruan një darkë shumë të ngrohtë me sfond këngësh e vallesh të kombësisë mongole për mysafiret nga Shqipëria. Vet z. Cui Yongyuan është adhurues i filmave artistikë shqiptarë. Darka u organizua në një restorant karakteristik të kombësisë Mongole me emrin "Tengelitala" që ka kuptimin "stepë qiellore", që është një parajsë në sytë e blegtorëve mongolë. Të zotët e restorantit i gostitën mysafiret shqiptare me një qengj të plotë të pjekur duke i ftuar ato të fillonin të prisnin me thikë kokën e qengjit të pjekur. Ky qengj i pjekur kushton më se 400 dollarë. Artistët e restorantit organizuan edhe një ceremoni solemne sipas stilit të kombësisë mongole me këngë e valle për nder të mysafireve shqiptare, duke u dhuruar atyre nga një shall të gjatë e të bardhë që është simbol i lumturisë dhe i fatbardhësisë. Organizatorët dhe mysafirët kënduan dhe kërcyen së bashku në një atmosferë shumë të ngrohtë miqësore. Edhe zj. Natasha i dhuroi z. Cui disa albume të botuara nga Arkivi i Filmit Shqiptar me fotografi dhe përmbajtje nga të gjithë filmat artistikë shqiptarë, të prodhuar në Shqipëri. Këto albume janë shumë të çmuar për z. Cui sepse ai është koleksionisti i parë në Kinë i broshurave me vizatime nga filmat artistikë kinezë dhe të huaj.

Si adhurues i filmave shqiptarë, z. Cui Yongyuan u tregoi mysafireve shqiptare se në kohën e fëmijërisë, ai shkonte gjithmonë pas ekipit të shfaqjes së filmave duke e ndihmuar ekipin, kur punonjesit e tij luanin letra, në rregullimin dhe kthimin e filmave të shfaqur nga fundi në fillim. Në këtë mënyrë, ai i ka parë kush e di sa herë filmat e vjetër shqiptarë dhe të vendeve të tjera. Këto filma të vjetër shqiptarë i janë ngulitur fort në kujtesë. Për këtë arsye, ai ka dëshirë të zjarrtë të takohet me aktorë të vjetër shqiptarë, të cilët i adhuron qysh nga voglia.

E emocionuar nga entusiazmi dhe pritja e ngrohtë e miqve kinezë, Zj. Natasha tha se edhe Arkivi i filmit shqiptar do të organizojë një pritje të ngrohtë për nder të grupit realizues të rubrikës " Magjia e filmave artistikë".(zhai)