Jackie Chen ka lindur më 7 aprill të vitit 1954 në Hong Kong. Prindërit e tij i vunë emrin Chan Kongsang për të kujtuar vendlindjen e tij sepse kuptimi i fjalëve Kongsang do të thotë lind në Hong Kong.

Atëhere, familja e tij ishte shumë e varfër. Kur lindi ai, e ëma nuk ishte në gjendje të paguajë shpenzimet për maminë, pra, prindërit e tij kanë patur mendim që Jackie Chan të mbahet nga doktori. Ndërsa, nga dhembja e madhe për fëmijën e vetëm të tyre, më në fund, nuk ia dhanë. Për të mbajtur këtë fëmijë, prindërit e tij punonin pa u lodhur. I ati punonte si një kuzhinier në ambasadën e Francës në Hong Kong dhe e ëma, si një kujdestare. Më në fund, familja e tij u zhvendos në Australi, ku babai i tij punonte si kryekuzhiner i ambasadës amerikane.

Kur ishte 7 vjeç, Jackie u kthye në HongKong ku filloi jetën e tij shkollore prej 10 vjetëve në Akademinë e Operës Kineze. Atje, ai çdo ditë stërvitej për 19 orë duke bërë veprime akrobatike të cilat ne mund t'i shohim në filmat e tanishëm të Jackie Chan-it në hijshmërinë, mimikën, vallëzimin dhe artin e tij martial falë këtyre stërvitjeve të rrepta.

Si një nxënës i dalluar, pavarësisht i vogël ishte Jackie Chan, ai pati shumë raste të luajë rol në shfaqe të ndryshme të operës tradicionale kineze. Mirëpo, me kalimin e kohës, opera tradicionale nuk ishte kaq popullore si në të kaluarën, dhe mësuesi i tij filloi t'u prenzantojë Jackie Chen regjizorëve të filmave të marrë pjesë në film si mjeshtër i Kung Fu-së.

Dhe pasi mbaroi jetën e tij shkollore, Jackie Chan punonte si stantmen duke dubluar aktorë të njohur të atëhershëm në pjesa të rrezikshme të filmave. Për shkak të punës së tij të zellshme dhe të shkëlqyeshme, u zgjodh shpesh herë nga regjizorët.

Pas regjistrimit në kompani Golden Harvest, në vitin 1971, Jackie Chan pati rast të luajë një rol të vogël në filmat e Bruce Lee-it --- First of Fury dhe Enter dhe Dragon. Edhe ai ishte aktor i parë në historinë e filmave azianë që u hodh nga një lartësi shumë e madhe.

Mirëpo, gjatë kësaj periudhe, ai mund të luajë vetëm rol të vogël si në filma The Little Tiger of Guangdong dhe John Woo's Hand of Death. Dhe gjendja e tij ndryshoi shpejt pas vdekjes së papritur të mjeshtrit të Kung Fu-së, Bruce Lee, i cili ishte ylli më i madh i atëhershëm. Regjizori i famshëm Lo Wei dëshiroi që Jackie Chan të bëhet Bruce Lee i dytë në filmat e tij, bile i vu një emër të ri "Sing Lung" i cili do të thotë "të bëhet një dragua tjetër". (Siç e dini, kuptimi i emrit kinez të Bruce Lee-it, "Li Siaolong" është një dragua i vogël.)

Pra, a është një ide e mirë që Jackie të luajë si një tjetër Bruce Lee? Do t'ju përgjigjemi në artikullin të hënën që vjen.(Çan Yean)