Krahas shpejtimit të procesit të industrializimit, në prodhimin bujqësor të Kinës përdoren në sasi të mëdha plehra kimike, insekticide dhe lëndë shtojca të foragjerëve, që ndotin në shkallë të ndryshme produktet bujqësore dhe ulin cilësinë e tyre. Pikërisht për këtë arsye ka pasur raste që produktet bujqësore të Kinës që janë refuzuar në tregun ndërkombëtar.

Për të ngritur në mënyrë të gjithanshme cilësinë e produkteve bujqësore, në vitin 2002 Ministria Kineze e Bujqësisë hartoi planin për prodhimin e produkteve bujqësore pa ndotje në mbarë vendin dhe kërkoi që në 5 vjetët e ardhshëm të realizohet në përgjithësi, prodhimi i produkteve bujqësore pa ndotje. Zv-drejtori i Degës së tregut dhe të informatave ekonomike pranë Ministrisë Kineze të Bujqësisë, zoti Zhang Je Çu u shpreh se zbatimi i këtij plani ka përmirësuar në mënyrë të dukshme gjendjen e sigurimit të cilësisë së produkteve bujqësore të Kinës. Ai tha:

" Vitet e fundit, krahas zbatimit të planit për prodhimin e produkteve bujqësore pa ndotje, është ngritur shumë cilësia e produkteve bujqësore të Kinës."

Ky funksionar tha se Kina zbaton rregullat administrative nga parcela deri në tavolinën e ushqimit dhe kërkon që të gjithë proceset e prodhimit, përpunimit, transportimit, rezervimit dhe të shitjes duhet të përputhen me standardet shtetërore. Njëkohësisht sektorët bujqësorë të Kinës kanë ngritur shumë baza eksperimentale për prodhimin e produkteve bujqësore pa ndotje dhe për popullarizimin e njohurive në përdorimin e sigurtë të plehrave kimike si dhe të insekticideve dhe për standartizimin e prodhimit bujqësor.

Kina po zhvillon në mbarë vendin edhe punën për verifikimin e produkteve bujqësore pa ndotje. Zoti Chen Fan që merret me këtë punë, tha:

Cilësia e produkteve bujqësore ka të bëjë me jetën e popullit. Puna për verifikimin e produkteve bujqësore pa ndotje ka për qëllim furnizimin e tregut dhe të konsumatorëve me produktet e standartit.

Sipas njoftimeve, deri tani janë verifikuar mbi 10 mijë produkte bujqësore pa ndotje dhe mbi 9 mijë baza të prodhimit.

Administrimi i prodhimit të produkteve bujqësore të Kinës duhet të futet në fshatrat e shumta. Meqë produktet bujqësore janë produkte të freskëta, koha e administrimit të prodhimit të këtyre produkteve është e shkurtër. Këto e kanë bërë punën e administrimit shumë të vështirë.

Zv-drejtori i Degës së tregut të Ministrisë Kineze të Bujqësisë, zoti Zhang Je Çu u shpreh se Kina do të nxitë më tej standartizimin e prodhimit të produkteve bujqësore, do të ndalojnë përdorimin e disa insekticideve me ndotje të madhe dhe do të bëjë përpjekje të mëtejshme për ngritjen e gjithanshme të cilësisë së produkteve bujqësore. ( zhang )