Sivjet është viti i kulturës franceze në Kinë. Krahas ngritjes së qendrës kulturore të Francës në Pekin, organizimit të ekspozitave të pikturave dhe të modeleve të veshjeve franceze, gjithnjë e më shumë kinezë kanë ndjerë nga afër forcën e veçantë magjike të kulturës franceze dhe gjuha franceze u pëlqen gjithnjë e më shumë kinezëve, sidomos në qytetet, si Pekin, Shangai, etj.

Kënga që po dëgjoni, është një këngë franceze e kënduar nga kori i nxënësve të shkollës së mesme Nr 21 të Pekinit. Nën orientimin e mësuesve francezë, këta nxënës kinezë kanë mësuar për dy muaj frëngjishten. Ata me këngën e tyre na treguan rezultatet e mësimit të tyre. Në një auditor nxënësi Ma i tha korrespondentit se mëson gjuhën franceze, me qëllim që të studiojë në të ardhmen në Francë. Ai tha: Erdha në shkollën e mesme Nr 21 të Pekinit, pikërisht për të mësuar frëngjishten dhe pastaj të shkojë për studim në Francë." Ai tha se Franca është një vend i zhvilluar. Franca ka kohë të gjatë që ka vendosur marrëdhëniet diplomatike me Kinën dhe miqësia kino-franceze është e thellë.

Nxënësja Con Ven Ven është një vajzë e urtë. Ajo i tha korrespondentit se ka interesim të madh për kulturën franceze. Ajo tha se me përvetësimin e frëngjishtes mund të njihet më direkt dhe më mirë me kulturën franceze. Ajo tha se në fillim ndjente vështirësi në shqiptim, por me ndihmën e mësuesit francez ka bërë përparime.

Drejtoresha e shkollës, zonja Xhao tha se nga viti 2000 shkolla ka hapur kursin e frëngjishtes dhe tani 200 nxënës të kësaj shkolle ndjekin kursin e frëngjishtes. Ajo tha se krahas anglishtes, përvetësimi i frëngjishtes do të jetë në favor të nxënësve për punën e tyre të ardhshme.

Në fakt, qysh para 7 vjetëve, disa shkolla të mesme të Kinës kanë filluar të hapin kurse të gjuhës franceze. Gjatë vizitës së ish-kryetarit të shtetit të Kinës, Gjian Xemin në Francë, Gjian Xemin dhe presidenti i Francës Shirak vendosën që për të nxitur shkëmbimin kulturor midis dy vendeve, të hapin kurse të mësimit të gjuhës kineze dhe të gjuhës franceze në secilin vend.

Për të realizuar këtë plan, gjatë viteve të fundit sektorët përkatës të Kinës dhe të Francës kanë bërë përpjekje të mëdha. Tani në Pekin e shangai ka 28 shkolla të mesme, ku janë hapur kurse të frëngjishtes. ( zhang )