Të dashur lexues, po japim rubrikën "Tregime dhe legjenda kineze". Po rrëfejmë tregimin me titull "Takim në Miançi".

Shteti Çin ndëshkoi me luftë shtetin Zhao dhe zuri qytetin Shiçeng të Zhaos. Në vitin tjetër, Çini sulmoi përsëri Zhaon dhe vrau 20 mijë veta nga trupat e Zhaos. Pak më vonë, mbreti i Çinit dërgoi njeri t'i njoftonte mbretit të Zhaos se ai deshi të pajtohej me të dhe të zhvillonte një takim me të në qytetin Miançi. Mbreti i Zhaos kishte frikë nga Çini dhe nuk guxonte të shkonte atje. Gjenerali Lian Po dhe ministri i parë Lin Siang-ru thanë: "Në rast se ju nuk shkoni, kjo tregon dobësinë dhe frikën e vendit tonë." Kështu që, i shoqëruar nga ministri i parë Ling-ru, mbreti i Zhaos u nis për në shtetin Çin. Gjenerali Lian Po i përcolli deri në kufi dhe i tha mbretit të Zhaos: Në rast se nuk ktheheni pas 30 ditëve, unë do ta ngre princin trashëgimtar në fronin mbretëror, me qëllim që t'ia ndërpres shpresën e Çinit. Mbreti i Zhaos ra dakord.

Kur arriti mbreti i Zhaos, mbreti i Çinit shtroi një koktej për nder të tij, në të cilin të gjithë të pranishmit pinë shumë. Mbreti i Çinit tha papritur: "Thonë se mbretit të Zhaos i pëlqen muzika. Le të na interpretojë një melodi me këtë instrument." Mbreti i Zhaos filloi të interpretonte dhe historiani zyrtar i Çinit shkroi: "Filan vit, muaj dhe datë, mbreti i Çin e urdhëroi mbretin Zhaos të interpretojë një melodi." Lin Siang-ru hodhi një hap përpara dhe tha: "E ftojmë mbretin e Çinit të interpretojë një melodi duke trokitur në këtë brokë." Mbreti i Çinit u zemërua, hapi sytë dhe vështroi Lin Siang-ru. Edhe Lin Siang-ru u zemërua dhe tha si njeri vulgar: "Brenda 5 hapave unë do të spërkat fytyrën tuaj me gjakun tim."Rojtarët e Çinit ngritën shpatat e tyre dhe e vështruan si të xhindosur. Për të zbutur afmosferën, mbreti i Çinit trokiti në brokë. Historiani zyrtar i Zhaos shkroi: "Filan vit, muaj dhe datë, mbreti i Çinit trokiti në një brokë për qejfin e mbretit të Zhaos."

Në koktej, ministrat e shtetit Çin thanë: "Ju lutemi, na shprehni urime me rastin e ditëlindjes së mbretit tonë duke na dhuruar 15 qytete të vendit tuaj." Lin Siang-ru iu përgjigj: "Ju lutem, na shprehni urime me rastin e ditëlindjes së mbretit tonë duke na dhuruar kryeqytetin tuaj Sian-jang." Kokteji mori fund në një atmosferë të tillë.

Mbreti i Zhaos e konsideroi veprimin e Lin Siang-rusë në koktej si merita të mëdha për shtetin Zhao, prandaj pasi u kthyen në atdhe, e emërtoi atë kryeministrin e parë, në një pozitë mbi gjeneralin Lian Po. Por vendimi i tij mbolli farë të mosmarrëveshjes në marrëdhëniet midis Lian Posë dhe Lin Siang-rusë.

Të dashur lexues, dhamë rubrikën "Tregime dhe legjenda kineze".