Në mbledhjen e 13-të të përbashkët të institucioneve për nxitjen e investimeve të Kinës dhe të Japonisë që u mbajt ditët e fundit në Pekin, ministri kinez i Tregtisë Po Silan tha se tërheqja e investimeve të huaja kanë luajtur një rol të madh dhe të dukshëm për nxitjen e zhvillimit të ekonomisë kombëtare të Kinës. Në vitin 2003 investimet e huaja përbënin 11% të investimeve të përgjithshme të të gjithë shoqërisë kineze. Vlera e prodhimit industrial të ndërmarrjeve me investimet e huaja përbënte 28% të prodhimit të përgjithshëm industrial të mbarë vendit. Vëllimi i eksportit të këtyre ndërmarrjeve përbënte 55% të vëllimit të përgjithshëm të eksportit të Kinës. Në ndërmarrjet me investimet e huaja janë punësuar 23 milionë e 500 mijë njerëz, shifër kjo që përbën 10% të punonjësve jo bujqësorë të mbarë vendit.

Ministri Po Silan vuri në dukje se zhvillimi i shpejtë i ekonomisë kineze ka krijuar më shumë hapësira zhvillimi për investimet e huaja në Kinë. Në vitin 2003 Kina u bë tregu i tretë i importit në botë dhe sivjet vëllimi i importit kinez do të kalojë 500 miliardë dollarë. Parashikohet se në vitin 2020 prodhimi i përgjithshëm kombëtar i Kinës do të arrijë 4 trillione dollarë. Rezervat e mëdha të tregut kinez do të krijojnë shumë shanse biznesi..

Krahas kësaj, Kina ka burime të pasura njerëzore me kualitet të lartë dhe këto burime njerëzore janë bërë nga kushtet e rëndësishme të bashkëpunimit me botën e jashtme. Shoqëria politike e Kinës është e stabilizuar dhe Kina ka marrëdhënie të mira me vendet përreth. Nëpërmjet investimeve në Kinë biznesmenët e huaja mund të garantojnë përfitime të sigurta.

Ministri kinez i Tregtisë Po Silan tha se qeveria kineze do të bëjë përpjekje për të ruajtur vazhdimësinë e politikës për tërheqjen e investimeve të huaja, do të mbajë premtimet pas pranimit në Organizatën Botërore të Tregtisë, do të zgjerojë hapjen për botën e jashtme, dhe do të krijojë kushte më të mira për investimet e huaja në Kinë ( zhang )