dëgjoni

Ditët e fundit, nënkryetarja e Komitetit të zhvillimit ekonomik dhe të reformës të Pekinit, Wu Guiying tha se vitin e radhshëm, Pekini do të shtojë investimet në periferi të tij. Diferenca e investimeve midis qytetit dhe fshatit do të zvogëlohet më tej.

Në vitin 2004, Pekini ka investuar 5 miliardë e 870 milionë juanë në ndërtimin e periferisë së Pekinit, kjo shifër ka zënë 40% të investimeve të gjithë qytetit. Vëllimi i prodhimit të përgjithshëm të periferive të Pekinit nga janari deri në shtator të këtij viti, arriti në 69 miliardë e 180 milionë juanë. Të ardhurat bruto për frymë të fshatrave të Pekinit, nga janari deri në nëntor të këtij viti, arritën në 7430 juanë.

Nga investimet e përgjithshme të këtij viti në periferi të Pekinit, 65% prej tyre janë investuar në ndërtimin e infrastrukturave, 15% prej tyre janë investuar në çështjet shoqërore e në zhvillimin industrial dhe 20% janë investuar në ndërtimin e rrugëve automobilistike të periferive të Pekinit. Tani, në çdo distrikt dhe në çdo zonë të Pekinit ka një autostradë kryesore. Dëndësia e rrjetit të rrugëve automobilistike të periferive të Pekinit është 86,6 kilometra në 100 kilometra katrorore sipërfaqe. U inauguruan gjithashtu infrastrukturat e furnizimit me ujë për 33 qyteza qendrore të periferive të Pekinit. Aftësia e furnizimit ditor të ujërave është 400 mijë tonë. Përveç këtyre, u investuan 300 milionë juanë në ndërtimin e ambullancave, të shkollave të mesme e fillore të fshatrave të Pekinit dhe në çshtje të tjera shoqërore. 200 milionë juanëjanë investuar në ndërtimin e bazës industriale dhe në industri kryesore të periferive të Pekinit.

Zonja Wu Guying tha se në zhvillimin ekonomik të periferive të Pekinit ekzistojnë edhe disa probleme të dukshme, si diferenca e madhe në infrastrukturë midis qytetit dhe fshatit, mungesa e fondeve të ndërtimit etj.

Për këtë, vitin e ardhshëm, Pekini do të shtojë investimet në shtimin e të ardhurave të fshatarëve, në ndërtimin e infrastrukturës, në çështjet shoqërore, në shërbimet publike, në mbrojtjen e burimeve ujore, ndërtimin e mjedisit ekologjik etj.(Sihai)