Në kohën kur Komiteti Olimpik Ndërkombëtar u krijua më 23 qershor të vitit 1894, emri i tij ishte Komiteti Ndërkombëtar i Lojërave Olimpike. Detyra e tij kryesore asokohe ishte që të siguronte zhvillimin normal të Lojërave Olimpike dhe kjo mishërohej në detyrat prej 3 pikash, që ia parashtroi vetes: e para, të sigurojë organizimin e Lojërave Olimpike në kohën e caktuar; e dyta, të garantojë që Lojërat Olimpike ta ruajnë objektivin e tyre fisnik; e treta, të udhëheqë zhvillimin sportiv të konkurrencës drejt orientimit të drejtë. Në vitin 1897, një gazetë franceze, për herë të parë, e quajti atë "Komitet Olimpik Ndërkombëtar" dhe, në vitin 1901, ai e mori zyrtarisht emrin "Komiteti Olimpik Ndërkombëtar". Dhe tani ky emër ende përdoret.

Si një organizatë popullore joqeveritare, Komiteti Olimpik Ndërkombëtar ka nevojë të përgatitë vetë fondet për ekzistencën e tij. Për një kohë të gjatë, ai ka pasur vështirësi financiare. Bile doli deficit në vitet e vonshme 60 të shekullit të fundit. Në vitet 70, krahas rritjes së të ardhurave nga transmetimet televizive, gjendja e tij financiare filloi të përmirësohej dhe në vitin 1975 ai hoqi kuotën e anëtarësisë prej 300 frangash zvicerane. Pas mesit të viteve 80, në sajë të zbatimit të masave të marra për zhvillimin e tregtisë olimpike, Komiteti Olimpik Ndërkombëtar fitoi pavarësinë e tij nga ana ekonomike, dhe si rezultat, ndodhën ndryshimet përkatëse në përbërjen e tij. Komiteti Olimpik Ndërkombëtar përbëhej dikur nga persona të shtresave të larta shoqërore, prandaj, ai ishte dikur një organizatë me një atmosferë shumë të theksuar aristrokatike, sepse pjesëmarrësit në aktivitetet olimpike duhej t'i paguanin vetë të gjitha shpenzimet. Ndërsa tani, Komiteti Olimpik Ndërkombëtar, që ka një bazë të shëndoshë financiare, mund t'u ofrojë anëtarëve të tij përkrahje me fonde dhe të paguajë për shpenzimet e tyre për pjesëmarrjen në mbledhjet e komitetit. Gjendja financiare e individëve nuk është më faktor kufizues për cilësinë e anëtarëve të tij dhe struktura e përbërjes së Komitetit Olimpik Ndërkombëtar po shkon drejt një prirjeje më racionale. Komiteti Olimpik Ndërkombëtar ka këto 4 institucione, përkatësisht: Plenum të Anëtarëve të Komitetit Olimpik Ndërkombëtar, Komitet Ekzekutiv, Seli të Komitetit Olimpik Ndërkombëtar dhe Komitet të Posaçëm.

Të dashur lexues, ju paraqitëm historinë e Komitetit Olimpik Ndërkombëtar dhe zhvillimin e tij pas krijimit. Në artikuj të ardhshëm, do të vazhdojmë t'ju flasim më shumë për lojërat olimpiik!

(Çan Yean)