Kori i virgjereshave përbëhet nga 7 vajza të reja, të cilat janë nga Instituti Artistik i Nankinit të Kinës. Ato janë jo vetëm të bukura, por edhe kanë zë të ëmbël. Duke dëgjuar këngët e krishtlindjeve të interpretuara prej tyre, duket sikur dëgjoni zërin e engjëjve të bukur e të pastr. Në radhë të parë, ju ftoj të shijoni këngën: "Ju uroj gëzuar festën e krishtlindjeve!" që është këngë tradicionale angleze.

25 dhjetori është dita e lindjes së Krishtit, e kremtuar nga besimtarët kristianë. Me kalimin e kohës dhe nëpërmjet shkëmbimeve kulturore të vendeve të ndryshme, kjo festë është shndërruar gradualisht në festë kombëtare dhe festohet së bashku edhe me Vitin e Ri, pra ajo është bërë festa më e madhe e vendeve perëndimore gjatë vitit.

Me ardhjen e festës së krishtlindjeve njerëzit e zbukurojnë ambjentin me ngjyra të kuqe, jeshile dhe të bardha, ndër to jeshilja i përket pemëa së krishtlindjeve, që shërben si dekori më kryesor në këtë festë, zakonisht përdoret bredhi, selvia, pisha etj, mbi të cilën varen shumë sende zbukurimi me ngjyra të larmishme, si llampa, dhurata, lule prej letre, qirinj të kuq etj. Plaku i krishtlindjeve është personi më i preferueshëm nga të gjithë. Para se të shtrihen në krevat, fëmijët vënë para furrës së murit ose pranë jastëkut një çorap, duke pritur që plaku i krishtlindjeve t'i fusë dhuratën në çorap.

Le të shijojmë tani këngën: "Tingujt e kambanës së krishtlindjeve".

Sot, edhe në Kinë shumë njerëz e festojnë festën e krishtlindjeve, vetëm është pakësuar shumë atmosfera fetare dhe janë shtuar së tepërmi gëzimet e tipit kinez. Në shumë hotele, dyqane të qyteteve të mëdha të Kinës vendosen pemët e krishtlindjeve dhe plaku i krishtlindjeve u dhuron njerëzve disa dhurata të vogla. Në natën e krishtlindjeve të rinjtë e të rejat kineze organizojnë edhe takime familjare, miqësore ose dashurie, duke kaluar një kohë të mrekullueshme në miqësi. Të gjithë duke mbajtur mbi krye kapelën e krishtlindjeve, duke kënduar këngë festive dhe duke treguar edhe dëshirat e tyre të festës. Më poshtë ju ftoj të shijoni këngën: "Nata e krishtlindjeve".

Në këtë festë të madhe, ushqimet janë të shumllojshme, ndër to darka me gjelin e detit është më kryesorja në natën e krishtlindjeve. Edhe tani shumë kinezë duke shfrytëzuar këtë kohë të volitshme shkojnë në restorante për të shijuar një darkë të tillë, sigurisht hanë edhe ushqime të tjera dhe çokollata e karamele etj.

Në fund të këtij programi ju ftoj të dëgjoni këngën e përhapur dhe të preferuar shumë nga kinezët atë me titull: "Zilja e krishtlindjeve tingëllon". Me të dëgjuar këtë këngë, na kujtohet menjëherë festa e krishtlindjeve, plaku i krishtlindjeve që vjen duke rrishqitur në borë për të na sjellë dhurata.

Të dashur lexues, shijuat një grup këngësh të festës së krishtlindjeve, të kënduara nga kori i virgjëreshave. Ju uroj edhe një herë gëzuar festat! ( Daming )