Sportet olimpike janë aktivitete ndërkombëtare, përmbajtjet kryesore e të cilave janë sportet dhe lojërat olimpike, që organizohen një herë në katër vjetë, për të nxitur zhvillimin e gjithanëshëm fizik, psikik, dhe të moraleve shoqërore të njeriut, për të shtuar njohjen reciproke midis popujve të vendeve të ndryshme, për të popullarizuar olimpizmin dhe për të ruajtur paqen në botë. Sportet olimpike përfshijnë sistemin ideologjik me olimpizmin si thelb; sistemin organizativ të përbërë nga Komiteti Olimpik Ndërkombëtar, Konfederata Sportive Ndërkombëtare e Garëve Individuale dhe Komitetet Olimpike të Vendeve të ndryshme; sistemin e aktiviteteve para dhe pas Lojërave Olimpike.

Më 23 qershor të vitit 1894, Pierre de Coubertin dhe 79 përfaqësues nga 12 vende të botës vendosën të formonin Komitetin Olimpik Ndërkombëtar, duke filluar sportet olimpike. Atëherë kjo vepër madhështore përqeshej nga të tjerët. Por sot pas mbi 100 vjetëve, lojërat olimpike kanë qenë edhe janë festa e popujve të gjithë botës, ku marrin pjesë 202 vende dhe rajone të botës. Në vitin 1998, revista e njohur "life" botoi 1000 ngjarjet dhe personat më të rëndësishëm të mijëvjeçarit të kaluar, të zgjedhur nga historianët. Duke përfshirë edhe kryeveprën e Coubertinit për rifillimin e lojërave olimpike.

Lojërat olimpike janë një vepër e rrallë e shoqërisë njerëzore, që ka treguar plotësisht funksionet e sporteve. Edhe ndikimet e lojërave olimpike kanë kaluar shumë sferën sportive. Ato kanë ushtruar një sërë ndikimesh të mëdha në fushat politike, ekonomike, filozofike, kulturore, artistike, të mediave etj të botës së sotme. Lojërat olimpike kanë formuar jo vetëm një peisazh të posaçëm fiskulturor të shoqërisë moderne, që na gëzon me forcën e tyre tërheqëse, por edhe një frymë sportive të fortë, që na inkurajon.

Lojërat olimpike janë pjellë e kohës. Revolucioni industrial ka forcuar lidhjet midis kombeve të botës në fushat ekonomike, politike dhe kulturore etj dhe shkëmbimet midis vendeve janë ngushtuar dita-ditës. kështu lindi nevoja e komunikimit me të gjitha mënyrat për të shtuar njohjen reciproke midis vendeve. Lojërat olimpike mund të plotësojnë këtë kërkesë shoqërore. Ato janë nevojë e pashmangshme e zhvillimit të shoqërisë njerëzore.(Shyguan).