dëgjoni

Më 13 dhjetor, u zhvillua në Pekin mbledhja e përgjegjësve të ndërmarrjeve qendrore të kontrolluara nga Komiteti Kontrollues e Administrativ i Kapitaleve Shtetërore të Këshillit të Shtetit të Kinës. Në këtë mbledhje, zv-kryeministri kinez Huang Ju tha se vitin e ardhshëm, ndërmarrjet qendrore do të shpejtojnë reformën dhe do të forcojnë aftësinë e zhvillimit të vazhdueshëm nëpërmjet shpikjeve e racionalizimeve të të rejave tekniko-shkencore, forcimit të aftësisë së ndërmarrjeve në konkurrencën e tregut, pakësimit të konsumimit të burimeve dhe të lëndëve të para.

Në këtë mbledhje u përgjithësua gjendja e zhvillimit dhe e reformës e këtij viti dhe u përcaktuan punët e vitit të ardhshëm.

Bëhet e ditur se këtë vit, të ardhurat dhe fitimet e mbi 180 ndërmarrjeve qendrore të kontrolluara nga Komiteti Kontrollues e Administrativ i Kapitaleve Shtetërore janë shtuar shumë shpejt, cilësia e kapitaleve është përmirësuar pandërprerë. Në 10-mujorin e parë të këtij viti, fitimet e këtyre ndërmarrjeve u shtuan mbi 50% në krahasim me të njejtën periudhë të vitit të kaluar. Parashikohet se fitimet vjetore do të arrijnë në 450 miliardë juanë duke krijuar një rekord të ri historik.

Lidhur me punët e vitit të ardhshëm, në mbledhje u paraqit se do të thellohet më tej reforma për të ngritur aftësinë e zhvillimit të vazhdueshëm të ndërmarrjeve. Zv-kryeministri Huang Ju tha se pika kryesore e reformës së vitit të ardhshëm është përsosja e sistemit të ndërmarrjeve moderne dhe shpejtimi i reformës së aksioneve. Ai tha:

"Vitin e ardhshëm, ndërmarrjet qendrore duhet të shpejtojnë reformën e aksioneve duke përsosur sistemin administrativ të ndërmarrjeve sipas sistemit të ndërmarrjeve moderne dhe kërkesave të ekonomisë së tregut."

Huang Ju vuri në dukje se qeveria kineze inkurajon ndërmarrjet qendrore të ngrejnë aftësinë konkurruese nëpërmjet bashkëpunimit ndërkombëtar. Ai tha:

"Ne do të inkurajojmë ndërmarrjet qendrore të zhvillojnë bashkëpunimin dhe shkëmbimet me shoqëritë ndërshtetërore në mënyra të ndryshme për të tërhequr teknologji të përparuar dhe për të forcuar aftësinë e krijimit të të rejave nëpërmjet tekniko-shkencës."

Huang Ju tha gjithashtu se ndërmarrjet qendrore duhet të parandalojnë rreziqet në punët e investimeve jashtë vendit. Me shtimin e investimeve të ndërmarrjeve qendrore në vende të tjera, janë shtuar dukshëm rreziqet për të. Këtë vit kanë ndodhur disa incidente të mëdha për shembull dy inxhinierë kinez u rrëmbyen në Pakistan, 11 shtetas kinezë u qëlluan me armë në Afganistan etj. Huang Ju tha se Komiteti Kontrollues e Administrativ i Kapitaleve Shtetërore dhe ndërmarrjet qendore duhet të nxjerrin mësime nga këto incidente. Ai u kërkoi ndërmarrjeve qendrore të përsosin sistemin administrativ dhe parandalues të rreziqeve për të shmangur humbjen e kapitaleve shtetërore. (fani)