Ky ndryshim ndodhi në sajë të reformës së taksave e shpenzimeve në fshat, të cilën qeveria kineze e zbatoi si eksperiment në provincën Anhui. Në vitin 2002 sfera e eksperimentimit u zgjerua edhe në 20 provinca kineze. Për arsye se në reformën eksperimentale u arritën suksese të dukshme, Kina vendosi që ta zbatojë në mënyrë të gjithanëshme këtë reformë.

Para reformës së taksave të shpenzimeve në fshat, fshatari Siao duhet të paguante mbi 40 lloj taksash dhe detyrimesh të ndryshme. Tashmë të gjitha këto u anuluan dhe Siao duhet të paguajë vetëm taksën bujqësore si dhe shtojcën e saj. Ai i tha korrespondentit me gëzim: "Tashmë ne bëhemi taksapaguesit e vendit. Kemi pozicion ligjor. Kushdo, që bën shpenzime të paarsyeshme nga ne fshatarët, qoftë edhe 1 fen, do të shkelë ligjin!"

Në vitin 1959 Kina filloi të zbatonte "rregulloren e taksave bujqësore", ku përcaktohet se fshatarët i paguajnë taksat bujqësore me drithra. Kështu fshatarët kinezë janë mësuar me "dhënien shtetit të drithrave" dhe nuk janë ë ndërgjegjësuar për pagimin e taksave sipas ligjeve. Para reformës së taksave e shpenzimeve në fshat, fshatarët e mbarë Kinës paguanin çdo vit taksa e shpenzime prej 120 miliadë juanësh, ndër cilat më pak se një e katërta ishin taksa bujqësore të marra nga shteti, kurse mbi tre të katërtat e tjera ishin shpenzime të tepërta e të paarsyeshme të marra nga administrata lokale. Pas reformës, fshatarëve kinezë iu paksuan afro 70 miliardë juanë taksa. Më e rëndësishmja është që reforma zgjoi ndërgjegjen e fshatarëve si taksapagues.

"Ky është një rezultat i gëzueshëm." tha specialisti i problemeve fshatare Hë Kai Jin. Ai tha se megjithëse vëllimi i përgjithshëm i taksave bujqësore në vit nuk ka arritur akoma 50 miliardë juanë dhe zë vetëm një përqindje të ulët në të ardhurat e përgjithshme financiare të shtetit prej 1 trilion e 900 miliardë juanë, popullata bujqësore prej 900 milionë vetash përbëjnë grupin më të madh dhe më të rëndësishëm të shoqërisë kineze. Pas reformës së taksave dhe të shpenzimeve, fshatarët do të paguajnë taksa sipas ligjit dhe vjelja e shpezimeve të tepërta do të sistemohet rrënjësisht. Kjo do të jetë në favor të stabilizimit të shoqërisë dhe të zhvillimit të forcave prodhuese."

Mësohet se në fshatrat rreth qyetit të Shangait, sektorët e taksave e kanë ndryshuar mënyrën e vjetër të vjeljes së taksave, me taksa-mbledhjës të drejtëpërdrejtë nëpër shtëpitë e fshatarëve, dhe kanë krijuar pikat fikse dhe të lëvizshme të vjeljes së taksave, në mënyrë që tu krijojnë lehtësi fshatarëve në pagimin e taksave bujqësore sipas vëllimit të caktuar, në kohë dhe në pika të caktuara. Pas zbatimit të kësaj mënyre të re, në distriktin Nahui të Shangait, përqindja e pagimit të taksave nga fshatarët me iniciativë e kaloi 99%-in.

Krahas këtyre, gjithënjë e më shumë fshatarë kinez filluan të zgjidhin kontradiktat nëpërmjet rrugës ligjore. Ata janë të mendimit se duhet të paguajnë sipas ligjit taksat, dhe ndërkohë edhe qeveria duhet t'i vjelë taksat sipas ligjit.

Zoti He Kai Jin tha se ndërgjegjësimi i fshatarëve për pagimin e taksave shënon jo vetëm zgjimin e vetdijes për detyrimet e të drejtat e shtetasit, por edhe zgjimin e vetdijes së ligjshmërisë. (Wang Lei)