dëgjoni

Ditët e fundit Organizata Unesko i dha provincës Çinhai të Kinës çmimin ndërkombëtar kundër analfabetizmit të vitit 2004, për të vlerësuar sukseset e dukshme të arritura nga kjo provincë gjatë viteve të fundit në fushën kundër analfabetizmit. Ky çmim iu dha njëkohësisht edhe Mauritiusit dhe Brazilit.

Sipas njoftimeve, provinca Çinhai e Kinës e ka vënë theksin e punës kundër analfabetizmit në mes të grave dhe të pakicave

kombëtare në rajonet e largëta dhe e ka lidhur punën kundër analfabetizmit me punën e kualifikimit profesional të fshatarëve dhe blegtorëve të këtyre rajoneve. Provinca Çinhai i kushton rëndësi edhe punës arsimore pas çanalfabetizmit dhe ka hapur biblioteka, salla leximi dhe shkolla për ata të çanalfabetizuar. Gjatë 4 vjetëve të fundit në provincën Çinhai janë çanalfabetizuar 106 mijë njerëz.

Në vitin 1965 Unesko-ja e përcaktoi 8 shtatorin si ditë ndërkombëtare kundër analfabetizmit dhe ka krijuar çmimin ndërkombëtar kundër analfabetizmit që jepet një herë në vit. Pas vitit 1984, këtë çmim ndërkombëtar e kanë fituar me radhë distrikti Paxhon i provincës Sëçuan, distrikti Ulian i provincës Shandong, distrikti Xipin e provincës Hënan, Rajoni Autonom i Singjian-Ujgurit, qyteti Tienshui i provincës Gansu si dhe Federata Pankineze e Bashkimit të Grave.

Në vitin 2005 do të pranohen 4 milionë e 750 mijë studentë në shkollat e larta të Kinës

Agjensia Kineze e Lajmeve Hsinhua njoftoi, më 19 dhjetor, se në vitin 2005 do të pranohen 4 milionë e 750 mijë studentë në shkollat e larta të Kinës, duke u shtuar 8% në krahasim me vitin 2004. Krahas kësaj, do të pranohen edhe 370 mijë studentë pasuniversitarë, ndër to 316 mijë për magjistër dhe 54 mijë për doktor.

Këto i tha, më 19 dhjetor, ministri kinez i arsimit Zhou Gji në mbledhjen vjetore të punës arsimore të Kinës. Ministri Zhou tha se tani numri i studentëve të shkollave të larta të Kinës ka kaluar në 20 milionë, duke zënë vendin e parë në botë Numri i studentëve është shtuar tri herë brenda 6 vjetëve të fundit.

Nga viti 2005 theksi i punës së arsimit të lartë të Kinës do të vihet më shumë në ngritjen e cilësisë së arsimit, krahas shtimit të numrit të studentëve. Kjo është kërkesë e domosdoshme e epokës sonë, është gjithashtu kërkesë e zhvillimit të arsimit të lartë të vendit tonë, tha ministri kinez i arsimit Zhou Gji.

Ministri Zhou tha se Ministria kineze e arsimit në bashkëpunim me sektorët arsimorë vendas do të marrë masa të fuqishme për garantimin e pranimit të studentëve dhe të investimeve në fushën arsimore dhe të kapet fort pas sistemit të vlerësimit dhe sistemit të garantimit të cilësisë, këtyre dy hallkave kyçe, do të kontrollojë si duhet ritmin e shtimit të studentëve, të shtojë realisht investimet në arsimin e lartë dhe të punojë për ngritjen e cilësisë së arsimit të lartë. ( zhang )