dëgjoni

Në shumë qytete të mëdha të Kinës, kudo ka dyqane të tipeve të ndryshme të shitjes me pakicë dhe supermarkete të krijuara nga firmat ndërkombëtare të shitjes me pakicë, si Wal-mart, Kerfur, Metro etj. Tregtarët me koncept të veçantë biznesi u kanë paraqitur konsumatorëve mallra të mira me çmimin e ulët dhe shërbime të përkryera. Një zonjë me emrin Su Adai, tha se në Pekin ka shumë dyqane. Konkurrenca është shumë e ashpër midis dyqaneve me investime të huaja dhe dyqaneve vendore dhe kjo u ka sjellë konsumatorëve të thjeshtë mjaft dobi.

Kjo zonjë, si një konsumatore, tha se hyrja e investimeve të huaja në tregun kinez të shitjes me pakicë mund t'u sjellë konsumatorëve mallra më të pasura dhe konkurrencë në treg midis tregtarëve kinezë dhe të huaj.

Në të ardhmen, konkurreca midis tregtarëve kinezë dhe të huaj për tërheqjen e konsumatorëve do të jetë shumë e ashpër. Sipas premtimeve të Kinës për pranimin e saj në Organizatën Botërore të Tregtisë, nga 11 dhjetori i këtij viti, tregu kinez i shitjes me pakicë është hapur plotësisht ndaj tregut të huaj të shitjes me pakicë. Tregtarët e huaj do të krijojnë dyqane në Kinë pa kufizim zone dhe të numri.

Tregu kinez i shitjes me pakicë është hapur në vitin 1992 ndaj grupeve të shitjes me pakicë. Deri tani, ndër 50 grupet më të mëdha të shitjes me pakicë, më se 40 prej tyre kanë investuar në Kinë. Numri i degëve, të krijuara nga ndërmarrjet e tregtisë me investime të huaja kaloi në 2000.

Pak kohë më parë, drejtori i përgjithshëm i Wal-martit- grupi më i madh i shitjes me pakicë në botë, z. Li Skot erdhi përsëri në Kinë për vizitë. Ai shprehu kënaqësi për zhvillimin e Wal-martit në Kinë dhe besim të plotë për perspektivën e zhvillimit të vazhdueshëm të Wal-martit në Kinë.

Gjatë 8 vjetëve të kaluar, Wal-marti ka bërë investime të mëdha në Kinë, duke krijuar degët e tij në shumë qytete të Kinës. Ai po zhvillohet shumë shpejt këtu. Pak kohë më parë, Wal-marti krijoi 40 filiale të tij në Kinë.

Sipas njoftimeve, në vitin 2005, ai do të krijojë mbi 10 filiale të tjera në Kinë. Kerfuri i Francës, Metroja e Gjermanisë dhe grupe të tjera të njohura të shitjes me pakicë në botë kanë hartuar planet e tyre të zhvillimit në Kinë. Kerfuri shpalli se gjatë 3 vjetëve të ardhshëm, numri i përgjithshëm i dyqaneve të tij në Kinë do të kalojë në 100.

Investimet e tyre në Kinë kanë ushtruar presion të madh mbi ndërmarrjet e shumta tregtare të Kinës dhe u kanë sjellë sfida. Përsa i përket shumicës dërmuese të ndërmarrjeve tregtare kineze, ato sapo kanë dalë nga administrimi sipas ekonomisë së planit dhe nuk kanë përvojë të mjaftueshme për futjen në ekonominë e tregut.

Në rrethana të tilla, ndërmarrjet tregtare të shitjes me pakicë të Kinës kanë zgjedhur riformimin dhe zgjerimin e përmasave për të ngritur aftësinë e tyre të konkurrencës në tregun botëror.

Grupi Guomei është ndërmarrja më e madhe filiale të shitjes së produkteve të pajisjeve elektro-shtëpiake në Kinë. Duke folur për riformimin e ndërmarrjeve tregtare të vendit dhe për probleme të tjera, zv/drejtori i degës së planit të kësaj ndërmarrjeje, z. Wang Lihong tha se në të ardhmen, ndërmarrja Guomei, me siguri, do të ndërmarrë veprime për riformimin dhe të blerjes së ndërmarrjeve të tjera tregtare. Por çdo veprim duhet të jetë shumë i matur dhe real dhe duhet të favorizojë zhvillimin e ndërmarrjes Guomei.

Zoti wang tha, gjithashtu, se më e rëndësishmja është luajtja e rolit të vet të veçantë për ngritjen e aftësisë së konkurrencës. Ai tha se me përpjekjet disa vjeçare, Guomei ka arritur të krijojë disa epërsi të konkurrencës në biznesin e tregtisë. Midis ndërmarrjes Guomei dhe firmave të tjera ndërkombëtare të shitjes me pakicë ekzistojnë disa ndryshime në administrim dhe në biznes. Prandaj, zhvillimi i bashkëpunimit do të jetë i dobishëm për ndërmarrjet kineze dhe të huaja të shitjes me pakicë.

Disa ekonomistë kinezë shprehën mendimet e tyre për zhvillimin e ardhshëm të ndërmarrjeve tregtare të shitjes me pakicë. Nënkryetari i përhershëm i degës së studimit pranë Shoqërisë ndërkombëtare shumëkombëshe të Kinës, z. Zhang Xiaoyu tha se epërsia më e madhe konkurruese e firmave ndërkombëtare të shitjes me pakicë është marka e tyre. Ai është i mendimit se ndërmarrjet tregtare të shitjes me pakicë të Kinës duhet të ngrejnë vlerën e markës së tyre dhe, sidomos, besueshmërinë e tyre në tregti.

Krahas zhvillimit ekonomik të Kinës, niveli i konsumit të kinezëve do të ngrihet pandërprerë. Prandaj, ai që do t'u sjellë konsumatorëve mallrat më të mira me çmimin më të ulët dhe me shërbimet më të përsosura, ai do të ketë shumë konsumatorë. (Sihai)