Të dashur lexhgjues, po japim rubrikën "Tregime dhe legjenda kineze". Sot do t'ju rrëfejmë tregimin me titull "Lin Siang-ru e solli smeraldin të plotë ".

Mbreti i shtetit Zhao shtiu në dorë gurin e çmuar "Smeraldi He Shi" të shtetit Çu dhe ky lajm u përhap shpejt në shtetin Çin. Mbreti i Çinit i dërgoi shtetit Zhaoe një letër, në të cilën u shpreh se ai dëshronte ta zotëronte smaraldin He Shi, në shkëmbimit të 15 qyteteve. Mbretit të shtetit Zhao i dhimbsej ta jepte. Por ai kishte frikë se mos kjo gjë do të zemëronte mbretin e Çinit dhe kështu mund të lindtë rreziku i sulmit ushtarak. Në këtë mënyrë, ai vendosi të dërgonte një njeri në shtetin Çin për trajtimin e kësaj çështjeje. Dikush i rekomandoi atij nëpunësin Lin Siang-ru.

Mbreti i Zhaos i tha Lin Siang-rusë: "Kam frikë se mos mbreti i Çinit nuk do të më japë 15 qytete pasi të marrë gurin tim të çmuar." Lin Siang-ru tha: "Unë do të shkoj në shtetin Çin, duke marrë me vetë smeraldin He Shi. Në rast se mbreti i Çinit do të na i japë me të vërtetë 15 qytetet që ofroi, do ta lë gurin e çmuar atje. Ndryshe, do ta sjell atë të plotë ." Dhe kështu, Lin Siang-ru u nis drejt perëndimit për në shtetin Çin, kishtë me smeraldin He Shi.

Mbreti i Çinit e priti në vilën e tij Lin Siang-runë, i cili ia dorëzoi me të dyja duart smeraldin He Shi. Mbreti i Çinit e mori me gëzim smeraldin dhe ua dha bukurosheve dhe ministrave të tij që ta admironin njëri pas tjetrit. Lin Sing-rusë iu duk se mbreti i Çinit nuk kishte ndër mend t'i jepte shtetit Zhao 15 qytetet që kishte ofruar, prandaj hodhi një hap përpara dhe tha: "Prisni! Smeraldi ka një të çarë që, do t'ju tregoj unë."Ai e mori nga dora e mbretit të Çinit dhe tha: "Smeraldi He Shi është një gur i çmuar që gëzon famë botërore. Mbreti ynë ka frikë nga shteti Çin, prandaj nuk guxon të mos jua kushtojë juve. Para se të ma jepte, ai pati 5 ditë pa ngrënë mish dhe pa pirë raki. Edhe ju, para se ta pranoni, duhet të rrini 5 ditë pa ngrënë mish dhe pa pirë raki dhe të organizoni një ceremoni solemne të dorëzimit." Mbreti i Çinit pranoi këtë kushte.

Pas 5 ditëve, mbreti i Çinit organizoi një ceremoni solemne dhe e ftoi Lin Siang-run në këtë ceremoni. Lin Sing-ru tha: "Meqenëse kam frikë se mos të gënjehem dhe të jem me faj ndaj mbretit të Zhaos, unë dërgova njeri ta çonte smeraldin në shtetin Zhao. Është mirë që ju të dërgoni një njeri tuajin në shtetin Zhao për të mbaruar formalitetet e dorëzimit. Sido qoftë, mbreti ynë nuk guxon të mos jua japë." Mbreti i Çinit nuk kishte çfarë të bënte dhe e la Lin Siang-runë e kthehej në vendin e tij. Por vetë ai në fund të fundit, nuk shtiu në dorë smeraldin He Shi. Pasi u kthye Lin Siang-ru, mbreti i Zhaos e emëroi atë ministër të parë.

Të dashur lexugjues, dhamë rubrikën "Tregime dhe legjenda kineze".