Të dashur lexues, si një ngjarje e madhe të qarqeve sportive, Lojërat Olimpike ka rëndësi shumë të madhe dhe njihet nga të gjithë popujtë e botës. Ndërsa, në këtë artikull do t'ju flasim për organizatën drejtuese të Lojërave Olimpike, Komitet Olimpik Ndërkombëtar.

Komiteti Olimpik Ndërkombëtar (IOC) është një organizatë ndërkombëtare joqeveritare dhe jo për fitim. Më 17 shtator të vitit 1981, me identifikimin e Parlamentit të Federatës së Zvicrës, komiteti Olimpik Ndërkombëtar u njoh si një organizatë ndërkombëtare që mund të ekzistojë pa afat dhe që ka status të personit juridik.

Komiteti Olimpik Ndërkombëtar është organi suprem i lojërave olimpike. Ai udhëheq lojërat olimpike në bazë të dispozitave të?Kartës Olimpike?.Detyrat e tij konkrete janë: të përgjigjet për bashkërendimin, organizimin dhe zhvillimin e aktiviteteve dhe të garave sportive; të bashkëpunojë me organizatat drejtuese zyrtare ose popullore dhe me autoritetet vendore, duke u përpjekur që sporti t'i shërbejë njerëzimit; të garantojë organizimin normal të Lojërave Olimpike; të kundërshtojë çdo diskriminim që rrezikon lojërat olimpike; të përkrahë e të nxitë zhvillimin e moralit sportiv; të përpiqet që, në sporte të çojë përpara gjerësisht frymën e konkurrimit të barabartë, të likujdojë aktet me dhunë dhe të udhëheqë luftën kundër përdorimit të lëndëve stimuluese në sporte; të marrë masa për të evituar rrezikimin e shëndetit të lojtarëve; të kundërshtojë shpërdorimin e sporteve dhe lojtarëve për qëllim poltitik dhe tregtar; të përpiqet që lojërat olimpike të organizohen në kushtet e ambientit të siguruar dhe të përkrahë organikat e tjera që i kushtojnë të gjitha energjitë edukimit me frymën olimpike.

Komiteti Olimpik Ndërkombëtar gëzon të gjitha të drejtat ndaj Lojërave Olimpike, duke u përfshirë të drejtat për organizimin dhe shfrytëzimin e Lojërave Olimpike dhe për transmetimet dhe kopjimet radio-televizive; Edhe të gjitha të drejtat lidhur me simbolin olimpik, flamurin olimpik, moton olimpike dhe hymnin olimpik gjithashtu i takojnë Komitetit Olimpik Ndërkombëtar. Komiteti Olimpik Ndërkombëtar ka të drejtë të anulojë vendimet e tij mbi njohjen e federatave ndërkombëtare të ndonjë disipline dhe të heqë ndonjë prej disiplinave sportive nga garat e Lojërave Olimpike. Ai ka të drejtë të anulojë njohjen e komiteteve olimpike kombëtare dhe të heqë të drejtën e ndonjë komiteti organizativ për organizimin e lojërave olimpike. Jo vetëm kaq, ai ka edhe të drejtën të ndëshkojë të gjithë personat, që marrin pjesë në Lojërat Olimpike dhe kanë shkelur rregullat, që nga lojëtarë dhe arbitrat e deri te zyrtarët e delegacioneve dhe personat administrativë. Sigurisht, Komiteti Olimpik Ndërkombëtar duhet të ushtrojë të drejtat e tij sipas Kartës Olimpike.

Të dashur lexues, në këtë artikull, ju paraqitëm të drejtat e detyrat e Komitetit Olimpik Ndërkombëtar. Në artikull të javës së ardhshme, do t'ju flasim më për këtë komitet.(Çan Yean)