dëgjoni

Të dashur lexues, në vjeshtë të këtij viti, regjisori i njohur shqiptar Piro Milkani në përbërje të grupit shoqërues të kryeministrit të Shqipërisë Fatos Nano erdhi për vizitë në Kinë dhe gjatë qendrimit në Pekin, ai i dha një intervistë CCTV-së për rubrikën " Magjia e filmave artistikë". Me këtë rast, redaksia e RJK-së hartoi posaçërisht për dëgjuesit tanë serialin e artikujve "Artisti shqiptar i intervistuar në CCTV".
Në emisionet e kaluara, ju njohëm me rrugën 50 vjeçare kinematografike të z. Piro Milkani, bisedat rreth filmit artistik shqiptar "Ngadhnjim mbi vdekjen" dhe me temat e filmave artistikë shqiptarë "Vitet e para" dhe "Oshëtimë në bregdet "dhe artikullin me titull : "Kujtimet për bashkëpunëtorët të dashur" , në vazhdim të këtij seriali, do t'ju njohim në rradhe të parë me rubrikën " Magjia e filmave artistike " dhe pastaj me rubrikën shqiptare " Magjia e artit te 7-të " të drejtuar nga z. Piro Milka
Pasi foli për filmat ku ai ka xhiruar si operator "Vitet e para " dhe " Oshëtimë në bregdet", si dhe për filmat ku ka drejtuar si regjisor " Ngadhnjim mbi vdekjen ", z. Piro Milkani tha: "Në artin kinematografik, personazhet më të njohura janë aktorët e filmit, regjisori është mbrapa kamerës dhe nuk njihet dhe unë isha i kënaqur që bëja filma dhe isha gati anonim, brohoritjet, duartrokitjet, kënaqësitë i marrin gjithmonë aktorët, jo regjisori."
Pastaj z. Piro foli edhe për rubrikën e drejtuar prej tij si prezantues " Magjia e artit të 7-të ".
Ai na tregoi se si e ka filluar punën e tij si prezantues: "unë kisha prezantuar disa festivale kombëtare të filmit shqiptar. Kur organizohej festivali kombëtar i filmit, unë thërrisja në skenë kolegët e mi, bisedoja me ta duke bërë humor dhe pastaj shfaqej filmi dhe u vu re që e bëja mirë këtë punë dhe më erdhi një propozim nga televizioni publik shqiptar për të bërë një emision për historinë e kinemasë dhe të kombinuar me një konkurs fëmijësh, me muzikantë, me gjë a gjëza etj."
Kështu ai filloi organizimin e rubrikës " Magjia e artit të 7-të " dhe arriti sukses të madh në këtë drejtim. Ndër të tjera ai tha :"Fillimisht u planifikua për 2-3 javë, por ai emision vazhdoi për l3 javë rresht çdo të premtë, në vitet l988 nga ora 6 ?8 të mbrëmjes, njerëzit gozhdoheshin në ekran, sepse unë nëpërmjet shpjegimeve të mia, iu tregoja spektatorëve historine e kinemasë botërore nga viti l898 deri në ditët e sotme, rrymat e ndryshme kinematografike, për kinemanë franceze, sovjetike, ballkanike , për kinematografinë shqiptare, për profesionet e ndryshme që bashkohen dhe krijojnë filmin dhe ajo rubrikë pati një sukses të jashtëzakonshëm". Nga prezantimi i historisë së filmave artistikë, z. Piro është bërë një person publik. Ai vazhdon: " tashmë, shpesh herë dal në televizor, kohët e fundit kam prezantuar një këngëtare të muzikës së lehtë shqiptare e cila jeton në Itali, me një skenar që e përgatita vetë dhe në një ambient shumë intim, një emision ky që shpërndahet me satelit dhe shqiptarët që jetojnë nëpër botë e ndoqën me shumë interes. Kështu që më ka dhënë kënaqësi edhe puna e prezantatorit."
Pra kjo rubrikë me titull të ngjashëm dhe me përmbajtje të ndryshme me rubrikën e televizionit kinez ngjalli interesim të madh të punonjësit e televizionit kinez. Ata shkëmbyen mendime dhe përvojën e rubrikave të tyre dhe mbeten të kënaqur që gjetën kolegë me gjuhë të përbashkët në organizimin e rubrikave televizive.
Duke përfunduar intervistën, z. Piro i tregoi kolegëve të tij kinez :"kam bërë dhe aktorin në 2-3 filma por unë kam si projekt të fundit një film autobiografik. Mendoj se arti nuk ka moshë, ndihem akoma i fortë për të bërë një film shumë të mirë. Do të jetë një pjesë e rinisë sime e jetës sime në Çekosllovaki. "
Pastaj ai foli edhe për subjektin e filmit të tij ri " Trishtimi i zonjës Shnajder " që flet për ngjarje të ndodhura në vitet l961 të shekullit të kaluar midis 5 studentëve të fakultetit të filmit në Pragë( Çekosllovaki), gjatë xhirimit të një filmi diplomë, për një fabrikë që prodhon motorçikleta garash, rreth 100 copë në vit dhe që eksportohen në gjithë botën. Duke qënë studentë ata nuk flejnë në dhoma hoteli, por në papafingo dhe paguajnë për këtë shumë pak para. Gjatë praktikës në këtë fshat, kanë ndodhur shumë ngjarje të papritura.Pastaj studenti kinez dhe studenti shqiptar u detyruan të ktheheshin ne vendet e tyre pa u diplomuar për arsye të sfondit politik.
Vetëm mbas tridhjet e tre vjetësh rastësia e sjell që ish studenti kinez Liangu dhe ish-studenti shqiptar Leka të takohen në një Festival Ndërkombetar Filmi. Që të dy janë bërë kineastë të njohur në vendet e tyre, por kanë pasur edhe shume peripeci. Megjithate janë të kenaqur për atë që kanë jetuar dhe parë gjatë jetës së tyre. Ata kujtojnë me nostalgji vitet e bukura të rinisë, që kaluan dikur së bashku në një kryeqytet të Evropës.
Duke përfunduar ai tha:"Dëshiroj që të jetë një kombinim me kinematografinë kineze sepse aty do të ketë një personazh, një student kinez në Cekosllovaki. Do të bëjë të gjitha përpjekjet për të bërë një film Shqiptaro-çeko-kinez dhe atëherë do të them që ëndrrat e mia janë plotësuar në këtë botë të gjitha." Bashkëpunimi me kineastë kinezë është një shpresë e z. Piro, ai është i bindur që kjo dëshirë do të realizohet një ditë. (zhai)