Në këngën popullore të Shandongut me titull: " Melodia e malit Yimeng" me muzikë të thjeshtë u këndohet natyrës dhe jetës së re të banorëve në zonën e malit Yimeng. Në vargjet e këngës thuhet: "Të gjithë thonë se mali Yimeng është një vise e mirë, në malin Yimeng kudo ka pamje të bukura, mali është i mbuluar plot me gjelbrime dhe lumenjtë me ujë të kulluar; kur fryn erë, duken kopet e dhënëve dhe lopëve. Sorgumet me kallinj të kuq, përhapet edhe aroma e lules së sojës, hambarët janë mbushur plot me grurë."

Provinca Shandong ndodhet në lindjen e Kinës dhe në rrjedhën e poshtme të lumit të Verdhë. Tekstet e këngëve popullore të përhapura në këtë provincë janë të përsosura dhe meloditë e tyre kanë vecoritë e këndimit të hapur e krenar.

Më poshtë ju ftoj të shijoni veprën përfaqësuese të këngëve popullore të Shandongut ? "Melodia Baolëng". Në këtë këngë me melodi të gëzueshme pasqyrohen gëzimi e hareja e vajzave pas korrjeve të bollshme. Për arsye se në tekstin e këngës përsëritet herë pas here hieroglif "lëng", prandaj kjo këngë titullohet: "Melodia Baolëng".

"Yanggë" është një nga llojet e këngëve popullore të provincës Shandong. Zakonisht në "Yanggë" përdoret forma e duetit ose njëri ia nis këngës dhe të tjerët mbajnë iso. Karakteristika e "Yanggës" është që interpretuesit e saj në rolet e caktuara këndojnë duke vallëzuar. Më poshtë ju ftoj të shijoni këngën me titull: " I këndohet Yanggës", ku me formën e duetit cift miks, i këndohet pamjes së re të fshatit kinez.

Në vargjet e këngës thuhet: "Lulet e pjeshkave janë me ngjyrë të ndezur, flag të kuqe, vajzat e bregut perëndimor janë duke kaluar lumin në bregun lindor për të kënduar këngën 'Yanggë'. Ato e kaluan lumin me varkë, që të këndojnë 'Yanggë'. Në 'Yanggë' unë i përgjigjem djaloshit të bregut lindor. Cila gjë me hark i ngjan yrmerit? Cfarë kalon mbi urë? Cfarë i ngjan detit me dallgë? Cfarë ka rënë si retë e bardha? Ura e madhe e kanalit artificial i ngjan yrmerit, traktorët kalojnë mbi urën e madhe, fusha orizore i ngjan detit me dallgë dhe parcelat e pumbukut në vjeshtë janë si retë e bardha të rëna nga qielli."

Kënga popullore : " Dueti për lule" është një këngë tradicionale e këngëve popullore të Shandongut. Në këtë këngë në formë të pyetje-përgjigjes bëhet loja për emrat e luleve, që shërben si një lojë konkursi, për përhapjen e njohurive dhe njëkohësisht për argëtime e festime. Kjo formë e gjallë e humoristike ka demonstruar plotësisht karakterin e zgjuarësisë, të talentit dhe të optimizmit të punonjësve. Në fund të këtij programi ju ftoj të shijoni këngën popullore: "Dueti për lule".

Të dashur lexues, shijuat një grup këngësh popullore të provincës Shandong të Kinës lindore. Mirudëgjofshim herën tjetër. ( Daming )