Ju flet Radio e Jashtme e Kinës, të dashur dëgjues! Jam Shyguan, ju përshëndes përsëri në programin e sotëm muzikor. Sot do t'ju njoh me këngëtarin e njohur kinez Li Shuangjiang dhe me një grup këngësh të kënduara nga ai.

Li Shuangjiang është një tenor shumë i njohur në Kinë. Qysh nga vitet 70 të shekullit të kaluar, emri i tij është bërë i njohur nga të gjitha familjet kineze. Në 1963, Li Shuangjiang u diplomua nga Konservatori Qendror i Kinës me nota të shkëlqyera. Pas kësaj, ai filloi të punonte në Ansamblin e Këngëve dhe të valleve të Zonës Ushtarake të Sinkiangut si këngëtar solist.

Sinkiangu ndodhet në Kinën veri-perëndimore, ku jetojnë më shumë se 10 pakica kombëtare, si kombësia ujgore, kombësia kazake etj. Sinkiangu ka një kulturë të ndritur nacionale. Gjatë mbi 10 vjetëve në Sinkiang, Li Shuangjiangu u edukua dhe u përgatit me artin dhe kulturën e pakicave kombëtare, duke marrë anët e vlefshme të këtij thesari kulturor të pakicave kombëtare, që i vuri në përdorim për të pasuruar krijimtarinë muzikore dhe mjeshtrinë e të kënduarit të tij. Kënga që po dëgjoni është një këngë popullore e kombësisë ujgurase, me titull "Vajza e qytetit Dapan", kënduar nga Li Shuangjiang.

Gjatë më shumë se 40 vjetëve të karrierës së tij muzikore, Li Shuangjiang ka ngulur këmbë në rrugën e vet artistive. Ai studioi mënyrën tradicionale të të kënduarit në Europë dhe, njëkohësisht artin e muzikës vokale kombëtare kineze, duke formuar stilin e vet të të kënduarit. Më poshtë, ju ftojmë të dëgjoni këngën popullore të Sinkiangut me titull "Lulja ime", të kënduar nga ai. Kjo është një këngë dashurie e kombësisë kazake, që pasqyron dashurinë e një të riu kazak për të dashurën e tij. 

Në rajonin autonom të Singjan-ujgurit këngët popullore të kombësisë kazake janë të shumta. Një pjesë e madhe e këtyre këngëve përbëhet nga këngët e dashurisë. Kënga "Dutari dhe Malia" është një nga këngë dashurie e kombësisë kazake. Dutari dhe Malia janë një çift të dashurish. Në tekstin e këngës thuhet "i riu trim kazak Dutar, eja në shtëpinë time sonte. Kur të ngrihet hëna, unë dhe ti do të këndojmë së bashku dhe përgjithmonë."

Qysh nga vitet 80 të shekullit të kaluar, Li Shuangjiang jo vetëm këndon këngë, por merret aktivisht edhe me punë mësimdhënëse dhe me studime teorike në fushën e muzikës vokale. Ai ka punuar si profesor mysafir në Konservatorin Qëndror dhe si profesor i muzikës vokale në Institutin e Arteve Nanyang të Singaporit. Në vitin 1994 ai u bë dekan i fakultetit të muzikës vokale të Institutit të Arteve të Ushtrisë Popullore Çlirimtare të Kinës dhe punon pa u lodhur për të përgatitur talente të reja muzikore, dhe për të zhvilluar artin vokal në Kinë.

Në fund të programit, ju ftojmë ta dëgjoni këngën popullore të kombësisë kazake, me titull "Vajza e bukur". Në tekstin e këngës thuhet:" kam parë mijëra vajza të bukura, por ndërsa ti je më e mira. E moj vajza ime, ti je e freskët si dielli i mëngjesit."

Të dashur dëgjues! Tani programit të sotëm i erdhi fundi, mirudëgjofshim herën tjetër!(Shyguan)