china radio international

v Protokolli mbi bashkëpunimin e uebsajtit në gjuhën shqipe të CRI Oline me botën e jashtme	v Tërmeti në Wenchuan

SONDAZH OLIMPIK

ZONA E ANKETAVE

ENCIKLOPEDIA


China Radio International


	Rreth Kinës

	Nga Bota

	Politikë

	Ekonomi

	Kulturë

	Shkencë e Teknikë

	Sport

Tregime dhe Legjenda Kineze

(GMT+08:00) 2004-12-16 19:28:44

Comment

Të flasim shkurtimisht për teknikë e shkencë nacionale të Kinës

cri

Për të nxitur zhvillimin tekniko-shkencor të zonave të pakicave kombëtare, qeveria kineze ka marrë masa të posaçme politike, duke përfshirë përgatitjen e kualifikimin e personelit tekniko-shkencor të pakicave kombëtare; pranimin e planifikuar të studentëve të pakicave kombëtare nga shkollat të larta ose hapjen e kurseve të tyre; shtimin dhe hapjen e specialiteteve të mungueshme në shkollat e larta nacionale për forcimin e përgatitjeve të talenteve teknike. Në të njëjtën kohë qeveria kineze ka marrë edhe shumë masa efikase të përgatitjes e kualifikimit të personelit ekzistues tekniko-shkencor të pakicave kombëtare për ngritjen e nivelit të tyre; i ka ndihmuar pakicat kombëtare dhe zonat e tyre të adoptojnë talentet dhe pajisjet e përparuara teknologjike, të modifikojnë degët tradicionale të prodhimit dhe produktet tradicionale, të ngrejnë efektivitetin ekonomik; ka formuar e përsosur sistemin e përhapjes së shkencës e teknikës në zonat fshatare e blegtorale, për të forcuar popullarizimin, kualifikimin e përhapjen e teknologjive aplikuese; ka hartuar politika të privilegjuara lidhur me kushtet e punës e jetës së personelit tekniko-shkencor, që të kontribuojnë në zonat nacionale; ka forcuar përkrahjen e zonave të zhvilluara për çështjet tekniko-shkencore të zonave nacionale, si për shembull, ftimi i specialistëve për punë të dytë, organizimi i punonjësve të shkencës e të teknikës të japin leksione ose të punojnë për një kohë të shkurtër në këto zona, të zhvillojnë bashkëpunim teknik, të ndihmojnë personelin e kualifikimit etj. Tani në zonat nacionale janë formuar njëri pas tjetrit një numër i madh institucionesh të kërkimeve shkencore, që kanë lidhje të ngushta me ekonominë kombëtare, me jetën e popullit dhe me karakteristikat nacionale, si rrjedhim është formuar një sistem tekniko-shkencor me lloje reltivisht të plota të shkencave e teknikave dhe me kombinim të përgjithshëm të degëve shkencore, si dhe një armatë e punonjësve profesionistë.

Sipas të dhënave statistikore, numri i shkencëtarëve dhe i inxhinierëve të ardhur nga zonat autonome nacionale të Kinës është afro 100 mijë. Punonjësit tekniko-shkencorë të pakicave kombëtare janë bërë një forcë e rëndësishme për nxitjen e progresit tekniko-shkencor të vendit. Ndër ta ka akademikë të Akademisë së Shkencave të Kinës, akademikë të Akademisë së Inxhinierisë të Kinës, prijës të degëve shkencore, si dhe talente të tjera që kanë dhënë kontribut të dukshëm për aplikimin dhe përhapjen e teknologjive aplikuese. Për shembull, akademikja Vang Shi Ven nga kombësia Hui e Akademisë së Shkencave të Kinës, që merret prej kohësh me punë klinikale, kërkimoro-teknike dhe të mësimdhënies së sëmundjeve të zemrës e të ndihmës së shpejtë ndaj të moshuarëve, ka dhënë kontribut të dukshëm për ngritjen e një dege të re shkencore të mjekësisë së të moshuarëve. Ndërsa akademikja Vei Y e Akademisë së Inxhinierisë të Kinës, nga kombësia Xhuan, ka fituar titullin e doktores në një Universitet të Gjermanisë, është bërë një nga pararendësit e sferës së re të biologjisë elektronike dhe të llogaritjes biologjike në botë. Po kështu bashkëpunëtorja e vjetër e shkencës bujqësore Xhëng Hui Y, e kombësisë koreane, merret prej kohësh me kultivimin e farës së sojës dhe me studimin e burimeve të hibrideve të sojës. Ajo është arritëse e kultivimit të hibridit të mirë të sojës "Gjilin 20" me kokër të vogël.(Daming)