Kuadrot dhe masat e gjera popullore të zonave malore të vendit tonë arritën njëzëshmëri mendimesh për realizimin e shfrytëzimit kompleks të zonave malore. Gazetari e mësoi këtë nga forumi i parë i zhvillimit ekonomik të qytezave dhe distrikteve në zonat malore të Kinës, që u mbajt, ditët e fundit, në Pekin.

Vendi ynë është një vend me male të shumta. Sipërfaqja e zonave malore zë 69,1% të sipërfaqjes së përgjithshme të mbarë vendit. Përqindja e popullsisë së zonave malore zë 55,7% të popullsisë së përgjithshme të mbarë vendit. Qeveria kineze i kushton rëndësi shumë të madhe zhvillimit të zonave malore. Në fillim të vitit 1996, u zhvillua në mbarë vendin puna e provës së shfrytëzimit kompleks të zonave malore dhe u formua një grup i koordinimit për shfrytëzimin kompleks të zonave malore. Që atëherë, në mbarë vendin tonë shpërtheu një hov i madh i shfrytëzimit kompleks të zonave malore.

Përmbajtjet kryesore të shfrytëzimit kompleks të zonave malore përfshijnë ndërtimin e veprave bonifikuese, ndërtimin kapital në bujqësi, ngritjen e sasisë së prodhimit të drithërave dhe të të ardhurave ekonomike të masave popullore të zonave malore etj.

Gjatë disa vjetëve të fundit, krahas shpejtimit të zhvillimit ekonomik të zonave malore, prodhimi i bujqësisë dhe të ardhurat e fshatarëve u shtuan në mënyrë të dukshme. Kushtet e prodhimit e të jetës dhe mjedisi ekologjik janë përsosur shkallë-shkallë. Entuziazmi i fshatarëve është shumë i lartë.

Qysh nga zhvillimi i punës së shfrytëzimit kompleks të zonave malore, përqindja e rritjes vjetore të të ardhurave mesatare të fshatarëve arriti në 10%.

Sipas objektivave të shfrytëzimit kompleks të zonave malore, brenda 50 vjetëve të ardhshëm, do të frenohet, në përgjegjësi, tendenca e keqësimit të mjedisit ekologjik, do të shtohen të ardhurat e fshatarëve, do të zvogëlohen ndryshimet midis zonave malore dhe fushore për nxitjen e zhvillimit përpjesëmor të ekonomisë. (Sihai)