dëgjoni

Nga rezultatet e hetimit të tretë mbi shërbimet shëndetësore, të publikuara, ditët e fundit, nga Ministria Kineze e Shëndetësisë, del se ndër banorët emoshës mbi 15-vjeçare, 47,2% prej tyre kanë mësuar njohuri shëndetësore dhe nga këta të fundit, 71,6% i kanë mësuar këto njohuri nëpërmjet programeve televizive.

Krahas ngritjes së nivelit material dhe kulturor, jeta e shëndetshme është bërë një temë që i preokupon njerëzit. Në disa rajone, veçanërisht në qytet banorët mësojnë me inisiativën e vet njohuritë shëndetësore dhe tani janë shtuar gradualisht njohuritë e tyre për shëndetin. Ndër të hetuarit e moshës mbi 15 vjeçare, 90% e banorëve të qyteteve dhe 62,5% të fshatrave e kanë njohurinë se sëmundja e sidës është një sëmundje e rëndë ngjitëse.

Krahas kësaj, është shtuar gjithnjë e më shumë edhe numri i banorëve që marrin pjesë me inisiativën e vet në aktivitetet sportive për forcimin e shëndetit. Ndër të hetuarit e moshës mbi 15 vjeçare ata që marrin pjesë shpesh në kohën e lirë në aktivitete sportive, përbëjnë 14,8% të numrit të përgjithshëm të banorëve të qytetit dhe të fshatit. 10,4% e tyre stërviten, duke ecur në këmbë, me kros, me gjimnastikën tradicionale kineze Daigji dhe me forma të tjera. 2,2% e tyre merren me lojëra me top. Ata stërviten mesatarisht 5,3 herë në javë dhe çdo herë kjo stërvitje zgjat 50 minuta.

Nga rezultatet e hetimit të bërë nga Ministria Kineze e Shëndetësisë del, gjithashtu, se përqindja e përdorimit të ujit të pijshëm nga tubacioni në qytet ka arritur në 96%, por në fshat kjo përqindje ka arritur vetëm në 34%. Në disa rajone të varfra ekonomikisht ka akoma shumë familje që përdorin ujë jo të pastër.

Nga këto rezultate del se përqindja e përdorimit të ujit të pijshëm nga tubacioni në qytet është ngritur 2% në krahasim me vitin 1998. Ndërsa në fshat përqindja e përdorimit të ujit të pijshëm nga tubacioni, ka arritur 77%, duke u ngritur 7,5% në krahasim me vitin 1998. ( zhang )