Përsa i përket industrisë kineze të automjeteve, viti 2005 do të jetë një vit i jashtëzakonshëm. Qysh nga 1 janari i këtij viti, Kina do të anulojë kuotën e dikurshme të automjeteve të importuara, njëkohësisht, do të pakësojnë më tej dhe taksat doganore të automjeteve të importuara.

Për opinionin e shumë njerëzve, industria e automjeteve ka qenë gjithmonë një industri e dobët e Kinës. Duke iu pëgjigjur pyetjeve të gazetarëve, një personalitet i qarqeve të industrisë kineze të automjeteve dhe nënkryetar i Shoqatës së Industrisë së Makinave të Kinës, z. Zhang Xiaoyu tha qartë se gjendja e industrisë kineze të automjeteve nuk përputhet me mendimet e këtyre njerëzve. Ai tha se pas pranimit të Kinës në Organizatën Botërore të Tregtisë, krahas ngritjes së potencialit të konkurrencës së produkteve tona, çmimet e produkteve të industrisë së automjeteve të Kinës po afrohen me çmimet e produkteve të njëllojta ndërkombëtare. Çmimet e ardhshme të veturave të industrisë së Kinës do të jenë gjithnjë më të lira.

Z. zhang është i mendimit se zhvillimi i vazhdueshëm i ekonomisë kineze dhe vitaliteti i madh i tregut të konsumit të automjeteve janë forca dinamike për nxitjen e zhvillimit të vazhdueshëm të industrisë së automjeteve të Kinës. Krahas ngritjes së nivelit të të ardhurave të banorëve të qyteteve dhe të fshatrave të Kinës, dëshira e banorëve kinezë për blerjen e automjeteve po bëhet gjithmonë e më e madhe.

Një vajzë pekinase, që quhet Dai Zhenzhen, ka punuar vetëm 2 vjet pas diplomimit në një shoqëri reklamash dhe ka blerë një veturë me mbi 100 mijë juanësh, e cila i ka sjellë asaj komoditetin e nevojshëm në jetë dhe në punë.

Tani, numri i blerësve të autoveturave është bërë gjithnjë e më i madh. Njerëzit diskutojnë shpesh për markat dhe modelet e automjeteve.

Sot, edhe banorët e thjeshtë kinezë mund të blejnë autovetura. Gjatë 3 vjetëve të pranimit të Kinës në Organizatën Botërore të Tregtisë, industria kineze e automjeteve është zhvilluar shumë shpejt. Në tregjet e krahinave të ndryshme, autoveturat me marka dhe modele të reja tërheqin vëmendjen e madhe të blerësve.

Tani, një sërë ndërmarrjesh, që e kanë potencialin e nevojshëm janë rritur gradualisht në tregun e konkurrencës së ashpër. Sipas të dhënave statistikore, deri në fund të vitit 2003, numri i automjeteve në Kinë arriti në mbi 24 milionë. Pjesë dërmuese e automjeteve të tregut të automjeteve të Kinës janë prodhuar nga vendi ynë.

Në bazat kryesore të prodhimit të automjeteve në qytetet Shangai, Changchun etj, gazetari pa nga afër se sipërmarrësti po merren me prodhimin e automjeteve të reja.

Duke folur për bashkëpunimin ritin e ardhshëm me shoqërinë e automjeteve Toyota, drejtori i përgjithshëm i Grupit të parë të prodhimit të automjeteve z. Zhu Yanfeng tha se tani, po zhvillohet puna e studimit dhe e hetimit të tregut mbi prodhimin e automjetevetë reja, ndërkohë që në vitin 2006, do të hyjë në prodhimin zyrtar. Ndërsa vitin e ardhshëm do të prodhohet një pjesë e veturave për konsumatorët.

Specialistët janë të mendmit se një nga ndryshimet e reja të industrisë së ardhshme të automjeteve të Kinës do të jetë zgjerimi i mëtejshëm i investimeve të përbashkëta dhe bashkëpunimit. Pak kohë më parë, Shoqëria gjermane e automjeteve Daimlerchrysler vendosi të krijojë së bashku me Shoqërinë e prodhimit të automjeteve të Pekinit të Kinës një kombinat të prodhimit të automjeteve. Të dyja palët do të prodhojnë bashkërisht për 30 vjet autoveturat Benz. Nënkryetari i përhershëm i Shoqërisë shumëkombëshe të studimeve të Kinës, z. Zhang Xiaoyu tha se disa shoqëri shumëkombëshe janë të mendimit se në tregun e kamionave dhe të makinave bujqësore ekziston një vitalitet i madh.

Sidomos në tregun e makinave bujqësore, me zhvillimin e ekonomisë kineze, kërkesa është bërë gjithnjë e më e madhe. Siç mësohet, prodhuesit e huaj të automjeteve vendosën të bëjnë investime në këtë fushë.

Tani, prodhuesit e disa uzinave të prodhimit të automjeteve të Kinës po intensifikojnë investimet e përbashkëta dhe bashkëpunimin me shoqëritë e njohura të prodhimit të makinave, për të ngritur aftësinë e konkurrencës. Edhe disa grupe të automjeteve të Kinës me potencial të fortë po gjejnë shansin e investimeve dhe të bashkëpunimit në tregje të reja në Evropë lindore. (Sihai)